MATIUS 21:27 - PERJANJIAN BARU NALCA YUBA

²⁷ Wenyaboka, ”Nunda elgoma,” hyek. Wenyek Yesus adya sikenek, ”Wera anasa nababya, damok enedya nara yokaʾ-yokaʾ unulamnaʾ ara, anedya unulamna aboka neknenggunusin,” hyok.

MATIUS 21:27 Խաչաձեւ Հղումներ

2 KORINTUS 4:3

Nunja perob lero yanggan yuba lelemabaʾ ara, hnon nim ek dara, pe olowoka ella damenggom ulumeija dara, wera nera sikda somoganobaʾ aboka, ulumeija nim ek anyek pika seregeledya.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

YOHANES 9:30

Alda wenhyokaʾ ara, ”Wera loka dabnel! Nak seleb henga lum sirikaʾ nong bok hwebnel enyek gwelegoka eibnabok, ugunda al yok pik elgom ululumaʾ anasa, loka dabnel.

MATIUS 16:3

Alda lugunaʾ ek dara, ugunda wenyalalumaʾ ara, Aranaʾ im uboka, gunugalaʾ anasa, wera moka yanamla, alalum. Anasa wera, ugunda imik sam keeboka, sum era unuwanamla aboka beknaʾ eillilelum bok, alda eimik yokaʾ unuwanamlaʾ ara ugunda beknaʾ damoka hnon eilinggululum!” hyok.

MATIUS 15:14

Ugunda Parisi nim enesa nauba seiniwoka lenggom. Sikenek seleb henga luma yousuk nang ek anara ulumak, anya henga lumnya bedya henga lumnya bek pik ablamla. Dara sikda neikaʾ selengaʾ lomok malyingginirak,” hyok.

MATIUS 21:26

Bok, Nimi migib adya, henemab dara, Yohanes bera nimi nidyaʾ adya dara, senenggom ununumnaʾ lenya senelemakaʾ anasa, nimek lok ulumab,” aboka sabdek.

MATIUS 21:28

Dara onoʾ Yesus adya hnon lebokaʾ ara, ”Ban yub enesa dara, ugunja dara hekaʾ senewolum do? Wera nimi ben hnon memabo penya beiyimok. Dara, sikjaʾ neyung bedya yando me nek biniboka, Najabo, anda sumen anggur wak sam wel bininelem, hyok.