MATIUS 14:23 - PERJANJIAN BARU NALCA YUBA

²³ Wera nimi nidyaʾ ara, sikja heikek sam seleb byik dara, Yesus ara albeyok, heng uboka molowoununaʾ aboka, meinik sam welewok. Wera inil yabok bok anyek, Yesus ara meinik sam alak ok ulumok.

MATIUS 14:23 Խաչաձեւ Հղումներ

MATIUS 26:36

Nen seleb dara, Yesus ab alja yuba doro diriga ban nang eb dara, yokok sam, si ara Getsemani alamek wak sam byik. Wera byikek ab dara, Yesus adya alja yuba donaʾ nang ek, ”Nara heng uboka Imik Neyung ak molol bilimnaʾ anasa, ugunda anyagan bukululum,” hyok.

MATIUS 6:6

Bok, ugunda heng uboka molowanamun dara, e lomok wekoka pika seregoka ugunjaʾ neyung be laga unggululanya bek molowanalum. Dara, ugunja neyung bedya ugunja doknowoka unuwanalumaʾ eibnesilnya bedya, alda ugunuk perobaʾ eleganesil.”

MARKUS 1:35

Ampum maboka gwelekok dara, gunaʾ dakoka anam beregel yabok sab-sab, Yesus ara bukoka ek ara loboka, beiyik sam heik gokgobok gakdenaʾ ak biniboka molol bilimok.

MARKUS 6:46

Wera nimi nauba ak, or pe binilum aboka lebok dara, Yesus ara Imik Neyung ak heng uboka molowonunaʾ aboka mok soko meinik sam byuk.

LUKAS 3:21

Wera nimi nidyaʾ meka dabsuukanya, onoʾ Yesus anaba meka dabookanya, heng uboka molol yabok salek, im pik ara gabdebok.

LUKAS 5:16

Bok, li hnonda Yesus ara albeyok gakdenaʾ ak sam heng uboka molowonunaʾ aboka balamok.

LUKAS 6:12

Dara ban salek era, Yesus ara hnon meinik don heng uboka molowoununaʾ aboka welemok. Dara Yesus ara inimnek pik moruwoka, alda Imik Neyung ak molob gwelegemok.

LUKAS 9:18

Wera onoʾ yok sum enyek, Yesus ara albeyokaʾ heng uboka mololemok dara, alja yuba doro diriga ban nang era alak yeilimek. Danyek Yesus adya sikenek, ”Nim adya dara, nara heknya alanyak do?” wenyaboka heibsuk.

LUKAS 9:28

Yesus ara ban yuba dan wenyaboka neksuk salek era, minggu hnonok so seleb mabok dara, onoʾ alda Petrus beb Yohanes beb Yakobus beb yok meinik sam heng uboka molowanobaʾ aboka bo welesuk.

RASUL 6:4

Anasa nuk dara, heng uboka molowoka, Imik Neyung yuba leboka unulumnamab ok,” hyek.