MATIUS 12:28 - PERJANJIAN BARU NALCA YUBA

²⁸ Bok nak dara, Imik Neyung Geisinya migib adya, bisaʾ ara yaklamna dara, wera anara Imik Neyung adya seleb ugun gangganek wenelesilaʾ ara an seleb yal an,” hyok.

MATIUS 12:28 Խաչաձեւ Հղումներ

MATIUS 12:18

Momnya dobokaʾ ara, ”Nadya weboka doboka bokol bilimsa me nera an. Nadya alak wanaʾ ulumnakanya, alja nadya ganya hekel eleklenel. Nadyaʾ ganya era alak gologanamlakanya, jong unaʾ damok ara, alja yok-yok mok soko nim ek lero binimla.

MATIUS 12:29

”Onoʾ nimi ben hnon hyak migib nongnya bedyaʾ ek wekoka bonaʾ dobnunaʾ senewoka, migibnya bek men bera henga goubnaʾ orok bok dara, ek or salyaʾ weknamso de? Seleb al nong anyek men henga goubsodyok, wera eimik era bonaʾ or hokaʾ dobnamso.”

MATIUS 21:31

Anasa ban penya mabo dara, hek me nek sikjaʾ neyung bedya senemokaʾ ara gigiwoka unuwok do?” wenyaboka heibsuk. Dara, Imik Neyung yuba wa gak nang eb, Yahudi dub nang eb, sikja dara, ”Yando me nek,” hyek. Anasa Yesus adya sikenek, ”Ugunda banyek dib senewanalumaʾ ara: Mok soko amba rupiah molowoka dolomak nang eb, salyaʾ malya ura yabalamak gelewa enyek, Imik Neyung wenesin heikek men weknemaakanya, ugunuk dara, orok.

MATIUS 21:43

Dara Yesus adya, ”Anasa ugunda pe beknelum, ugunuk ab Imik Neyung wenesinaʾ damok ara, gwenewoka, Imik Neyung yuba doboka pe unulumnamak nim ek eleganamla.

MATIUS 4:24

Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

MATIUS 6:33

Imik Neyung adya ugun nong ok anyek wenewoka usinaʾ ab, alja perob senelamlaʾ ab, nonoganob senen ulululum. Dara, yokaʾ-yokaʾ nidyaʾ ara ugunuk makoka eleganesil.

MARKUS 1:15

Dara Yesus adya, ”Imik Neyung adya wenelemnesil salek era gigiwoka seleb oka dal. Ugunja malya unaʾ ak ab ganya dangawomunukanya, Imik Neyung adyaʾ perob yub enyek dib senewanalum,” aro lelemok.

MARKUS 11:10

Nunjaʾ neyung Daud alja wenewoka bo usinaʾ yanalanya nera, perobaʾ ak ulumnamla. Anasa, im nongok anaba, alak giblenok e!” aboka lelemek.

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

LUKAS 10:11

Ugunja heikek ab nunjaʾ yan ak sam oumesilya blesa era ugunuk beknaʾ dibaʾ hab lobsab. Bok ugunuk dara, wera Imik Neyung adya ugun gangganek sam wenelemnesilaʾ anyek oka yalamla anyek ella danalum, henelum.

LUKAS 11:20

Bok nak dara, bisaʾ yaklamnaʾ ara, Imik Neyung migib adya yaklamna, anya anyek unulamna dara, wera Imik Neyung adya ugun gangganek seleb wenelesilaʾ ara ulusil an.

LUKAS 16:16

Musa bedya pe ulumnelum aboka unuwanalum an yuba elegesukaʾ ab, ununumnaʾ lelemek nang edya elegesik yub era, or lelemekaʾ ara, Yohanes Pembaptis be ulumok salek sidyaʾ ubdakok. Ban lebna salek ebaʾ moruwoka, Imik Neyung ara dubnya uboka wenelemnesil aro perob lero yanggan yub era, sobaʾ leldibilloklomak. Dara nim ara, Imik Neyung adya wenelemnesilaʾ ak weknob senewoka nauba dulumak.

LUKAS 9:2

Dara, Yesus ara sikenek, Ugunda nimi hweboka, hnonda Imik Neyung adya hekaʾ huboka wenelemnesilaʾ anyek lero yabalamnelum, aboka lebsuk.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.