MARKUS 7:5 - PERJANJIAN BARU NALCA YUBA

⁵ Anasa leboka, Parisi nim eb, Yahudi yuba neksin nang eb dara, Yesus ak, ”Nunja neyung yab edya youmaʾ diligaʾ donaʾ loboka, hekasa anja yuba doro diriga ban nang era, sembejaʾ gebman denaʾ delemak do?” wenyaboka heibek.

MARKUS 7:5 Խաչաձեւ Հղումներ

2 TESALONIKA 3:6

Nunjaʾ hemyabo nim o, nunjaʾ Wenelesilnya Yesus Kristus si sibuka ugunuk wenyhenesin, nunja ugunuk neklesab yub ek dib senenaʾ loboka, wa wenaʾ sulmalyaʾ hwam ok ura yabalamak nim era, men mok nenewoka ulululum.

RASUL 21:21

Dara wenera, sik Yahudi nim edya kelemak dara, hem Paulus anja Yahudi nimi bok yok sokok ulumak nim ek, Musa bedya momnya domok yuba loblulum aboka neklesil alamak ara, sikda seleb kelemak. Anja adya sikja mabo bokaʾ garanaʾ loboka, yok Yahudi nim edya unulumakaʾ digum ara lobnok aboka neklesilimaʾ ara, sikda kelemak,” hyek.

GALATIA 1:14

Nadyaʾ hemyabo neikibok nemouba nang era, mek so bok, nak dara, Yahudi yub ek sam ara nauba yeiriwoka doboka onoʾ unulamsa, anya nadya neyung yabo youmaʾ nang edya unulumekaʾ ara, nara hyak yeng ganya boboka unulamsa.

RASUL 21:24

Wenyek dara, Paulus o, anda dombadya nang danyeb neikaʾ anja nong era mek elekdangoka geisa nenebdangoka sikja honga gobsinok aboka, anja siksamba rupiah deknelam. Anadya wera anak lelenjak yub era sondaʾ lelemak, Musa bedya momnya domok yub ek keboka unululadya ok senewagenok bar,” hyek.

MATIUS 15:2

”Hekasa anja yuba doro diriga ban nang era, sikda nunjaʾ youmaʾ nim edya ununaʾ era blekoka ulumak do? Sikda denemna dara, soruk mek eleganggonggom delemak!” hyek.

ROMA 4:12

Anya, hnonda nimi bolaʾ gararob nang, nunjaʾ neyung youmaʾanya Abraham, alda anam bolaʾ garawanggom danyek mouruwoka, alja dib senemok ganya soʾ enyek, dililda doboka dib senelemak nang emba hnon, sikjaʾ neyung be dok.

2 TESALONIKA 3:11

Ban wenyasabnya nera, ugun gangganek anyek, hnon nim era sulmalyaʾ hwam ok uboka, wa wenggulumak an yuba hnon, sikda yokaʾ-yokaʾ ara ununggulumakjok, yok nim edya ununanya nenyek, hiboka saro bulumak an yub kemoubaʾ anasa lesab.

MARKUS 7:8

Onoʾ Yesus adya sikenek, ”Ugunda nim adya ununaʾ enyek, gasa salabmoubnekanya, Imik Neyung adya unuwolulum alalanya nera lololum,” aboka lebok.

MARKUS 7:9

Dara onoʾ hnon sikenek lebokaʾ ara, ”Ugunja nim ugumaʾ enyek, pe salalmoublenobaʾ aboka, Imik Neyung adya oruknaʾ yub era, lunuwoka yoknya nenyek unululumnya nera, geremsenga lokja.

MARKUS 7:13

Anasa, ugunja yok nim ek wenyaboka neklelum dara, wera anedya Imik Neyung adya unuwolulum alasil yub era orokaʾ nenelelum. Anya ban neiksonya nera, ugunda hyak nauba meknewoka unululum,” aboka lebsuk.