MARKUS 4:8 - PERJANJIAN BARU NALCA YUBA

⁸ Bok yinaʾ hnonda hyak pero mesaʾ delemok sokok sam malyinggyuk dara, yinaʾ era bongowoka nauba dangoka, doka moulumok. Dara hnonda denga hnonok so moulumok, hnonda denga penya so moulumok, hnonda denga dombadya so moulumok,” wenhyok.

MARKUS 4:8 Խաչաձեւ Հղումներ

YOHANES 15:5

Nara gal nong ulumna. Ugunda, gal soruk ululum. Heknedya nak ulumnenelekanya, nara alak ulumnamna dara, alda doka nauba moulumnamla. Bok, na orok dara, ugunda yokaʾ-yokaʾ pe unuwanggunusom.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

MARKUS 4:20

Perob sokok sam malyinggilimoknya nera, nimi yuba pe keboka dib dolomaakanya, yinaʾ meboka, doka moulumla nim era an. Dara, dok ara hnonda denga hnonok anaso, hnonda denga penya anaso, hnonda denga dombadya anaso moulumla,” wenyaboka neksuk.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

MATIUS 13:8

Bok yinaʾ perob sokok sam yama yingginiboka bongowoka welewoka doka moulumok dara, hnonda denga dombadya moulumok, hnonda denga penya moulumok, hnonda denga yubaʾ hnonok anaso moulumok!” aboka lelemok.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

LUKAS 8:15

Alda perob sokok sam yama yinggilimok aboka sunuwoknya nera, nim Imik Neyung yuba pe keboka, onoʾ ganya lomok beiyiboka pe uboka, bojam ulumak nim ek lebok. Dara ban nim era pe siklewoka ulumnekanya, yub ara pe yinaʾ meboka doka molulanya nera an,” hyok.

LUKAS 8:8

Bok yinaʾ hnonda perob sokok malyingginiboka, pe bongowoka doka nauba moulumok dara, hnonda denga dombadya anaso moru balamok,” hyok. Yesus ara seleb wenyaboka sunuwoka lebgogowok dara, onoʾ lebokja, ”Heknyek kendamba o yakaʾ ara, pe keblul!” hyok.

MATIUS 13:23

Alda perob sokok sam yama yinggilimoknya nera damok ara, nim Imik Neyung yuba keboka ella dangalamakaʾ ara an. Dara sikda doka nauba molumla, hnonda denga dombadya molumla, hnonda denga penya molumla, hnonda denga yubaʾ hnonok anaso molusil,” hyok.

MARKUS 4:7

Yinaʾ hnonda giriknaʾ hnoum malyinggyuk. Wera yinaʾ era bongon dara bongowok bok, giriknaʾ bong adya seklama darawoka objokaʾ adya, alda doka moubnenggubuk.

MARKUS 4:9

Seleb sunuwoka wenyaboka yuba lebgogowok dara, onoʾ Yesus ara hnon lebokja, ”Heknyek ken damba o ulumla dara, alda pe keblul,” hyok.

EPESUS 2:21

Wera Kristus nong pik ab moruwoka, ugunja nong era Imik Neyung alja denewoka solosilikanya, Wenelesilnya Imik Neyung amba ok munaʾ gobdo un e dangalamla.