MARKUS 4:7 - PERJANJIAN BARU NALCA YUBA

⁷ Yinaʾ hnonda giriknaʾ hnoum malyinggyuk. Wera yinaʾ era bongon dara bongowok bok, giriknaʾ bong adya seklama darawoka objokaʾ adya, alda doka moubnenggubuk.

MARKUS 4:7 Խաչաձեւ Հղումներ

LUKAS 8:14

Alda giriknaʾ hnoum yama yinggilimok aboka sunuwoknya nera, nim Imik Neyung yuba kelemak bok, sokok un ganya eb, bonaʾ dubnya dangoka ulusinya ganya ab, ganya daldom-daldom anaʾ ganya eb dadya, yuba dolomlaʾ ara, seklama darab eleganakanya, perob doka mounggulusilnya nera an.

LUKAS 21:34

”Ugunda nimi dibaʾ me yanamla sum era, ugunda masa nauba youboka deregoka, serema salalesil meka salyaʾ deregoka, sumen yanamlaʾ ara ugunda elgom anasa, ugunuk nong unaʾ enesa ganya seiniro ulumunukanya, wene salek yalyek anasa, pe kemero uldalalulum.

LUKAS 12:15

Dara onoʾ Yesus ara nimi nauba ulumek nim ek an, ”Nim ara bonaʾ dubnya ulumnaʾ anaba, embeng unaʾ ara anyagan anyek ganya kweboka unggulumakaʾ anasa, hmabaʾ ganya ab yokaʾ-yokaʾ sunulusilaʾ ak ab keeboka pe diri uldalalulum,” hyok.

LUKAS 8:7

Yinaʾ hnonda giriknaʾ hnoum yama yinggyuk. Wera yinaʾ era giriknaʾ ab neikaʾ pe bongowarekjok, giriknaʾ adya aragokaʾ adya somogok.

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 13:7

Alda yinaʾ hnonda giriknaʾ hnoum yama yinggyuk. Wera giriknaʾ anaba bongowoka welelemokaʾ adya, yinaʾ ara neikaʾ bongowok bok, bong adya somogok.

MATIUS 13:8

Bok yinaʾ perob sokok sam yama yingginiboka bongowoka welewoka doka moulumok dara, hnonda denga dombadya moulumok, hnonda denga penya moulumok, hnonda denga yubaʾ hnonok anaso moulumok!” aboka lelemok.

MARKUS 4:6

Bok, henga welok dara, pe yarenga eleknaʾ orok adya, bongowoka welok ondok era yalawoka oluʾ obok.

MARKUS 4:8

Bok yinaʾ hnonda hyak pero mesaʾ delemok sokok sam malyinggyuk dara, yinaʾ era bongowoka nauba dangoka, doka moulumok. Dara hnonda denga hnonok so moulumok, hnonda denga penya so moulumok, hnonda denga dombadya so moulumok,” wenhyok.