MARKUS 3:7 - PERJANJIAN BARU NALCA YUBA

^7-8 Wera Yesus ab, alja yuba doro diriga ban nang eb dara, lanaboka Galilea mek gwan gemek sam byik. Dara, Galilea mok sam ulumek nimi nauba, Yesus ak dobol yalamek. Sikda nidyaʾ Yesus ak yalamekaʾ ara, alja nidyaʾ unulamla an yuba kemekaʾ anasa, eibnobaʾ aboka alak yalamek. Dara, Yudea sokok ab, Yerusalem heikek ab, Idumea mok eb, Yordan meka gemek yali sam ab, Tirus heikek mok ab, Sidon heik mok ab, yalamek.

MARKUS 3:7 Խաչաձեւ Հղումներ

LUKAS 6:17

Dara Yesus ara meinik abaʾ ara, alja yuba doro diriga ban nang eb, yanggalamek ara bluk soklorobaʾ ak sam yinggyik. Dara anyeganera, onoʾ yok yuba dolomek nang eb, onoʾ yokmok-yokmok, hnonda Yudea sokok sam ab hnon, Yerusalem heikek ab hnon, yali sam penya mek gemek sam Tirus mok eb, Sidon mok eb yeindeboka longomek.

MATIUS 4:25

Dara ban salek era, nimi nauba Yesus ak yalamek. Wera hnon nim era Galilea sokok ab nimi hnon, Sagobadya Nauba Heikek ab nimi hnon, Yerusalem heikek ab nimi hnon, Yudea mok eb nimi hnon, hnonda Yordan meka gemek nimi hnon yeiniboka neikaʾ yabalamek.

MATIUS 12:15

Yesus ara Parisi nim edya obnenyak hogunga seleb ella ubok. Anasa alda anyagan anyebaʾ ara loboka bok dara, nimi nauba alab neikaʾ balamek. Dara nimi neiklemeknya nera nidyaʾ hwebsuk.

LUKAS 23:5

Bok nimi nauba hyak dukaʾ lolowoka lelemekja, ”Alja neklesil yub edya, nimi nauba Yudea sam malya nenero yousuk, men dara Galilea mok eb einimokaʾ ara, wera nunjaʾ ak an lero unulusilaʾ an,” aboka lelemek.

LUKAS 6:12

Dara ban salek era, Yesus ara hnon meinik don heng uboka molowoununaʾ aboka welemok. Dara Yesus ara inimnek pik moruwoka, alda Imik Neyung ak molob gwelegemok.

MARKUS 1:39

Dara, Yesus ara Galilea mok soko heik me nidyaʾ eb girigoka, Yahudi inim edya yuba don e pik wekoka Imik Neyung yuba leb elekgiga, bisaʾ goleklesuk nim, yakoka hwelesuk.

MATIUS 10:23

Ugunda yok heikek ab, yana lelewoka obnesak dara, men yok heikek berra binilum. Nara ugunda ban dib lebnesin, Ugunda Israeli nim ulumak heikek nidyaʾ ara, anam kemero yibinggumun salek, nimi dibaʾ me nera men yanamla.”

RASUL 17:14

Dara wene sab-sab enyek berra aboka, Berea heikek Imik Neyung mab adya, Paulus bek senenggom mek gwan gemek or bulul aboka orugomek. Bok alda Silas beb, Timotius beb danyek ok, heik enyegan or loboka ulurek.

RASUL 17:10

Dara al unuweisik sum inimnek enyek, Tesalonika heikek nim edya Paulus beb Silas bebdak, ugunda Berea heikek sam binirum aboka orugeisik. Wera Paulus Silas ara, seleb Berea heikek birik dara, Yahudi nim edya yuba don ek sam bilirek.

YOHANES 7:52

Sikda alak, ”Wei, ambabya Galilea mok ebnya de? Nidyaʾ Imik Neyung buku sam lelewoka einiwanalamakanya, ununumnaʾ lelelanya bera, Galilea mok ebaʾ ara, yanggunumlaʾ eibnelam,” hyek.

YOHANES 7:41

Bok, onoʾ yok nim edya lelemekja, ”Soko nimi blebsinaʾ dubnya Kristus bera alan,” alamek. Bok hnon yok nim edya dara, lelemekja, ”Mab e, nimi blebsinaʾ dubnya bera Galilea sokok abaʾ ara ura yalamso gomaʾ.

MATIUS 12:16

Bok Yesus adya dara, alak yeilimek nim ek, Yesus an ulumla aboka yok nim ek neknaʾ ara mem, hyok.

MARKUS 1:45

Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.

MARKUS 3:20

Seleb dara, Yesus ara nim un ek yeilimok. Dara onsok, nimi nauba Yesus ulumokaʾ ak sam longol yalamekaʾ adya, Yesus ab alja yuba doro diriga ban nang eb dara, denaʾ demenggom dangamok.

MARKUS 4:1

Wera onoʾ Yesus ara Galilea mek gwan gemek sam yuba hnon neklesuk. Dara nimi nauba aknewoka longol ganagal yeilimek. Anasa Yesus ara, mek gwan eilib ulumok mek ekla bunaʾ ak bukumok, bok nimi yok nimi nauba ara mek gemek sam longomek.