MARKUS 3:1 - PERJANJIAN BARU NALCA YUBA

¹ Wera yok sum enyek Yesus ara saaboka, Yahudi nim edya yuba don ek wekel balamok. Dara, anyaganara, soruka darasam somogomoknya be hnon ulumok.

MARKUS 3:1 Խաչաձեւ Հղումներ

MARKUS 1:21

Wera sikda balamekaʾ ara, Kapernaum heikek lanal byik. Wera Sabat mem sum dok dara, Yesus ara Yahudi nim edya yuba don ek sam wekoka yuba nek einiwousuk.

YOHANES 5:3

Dara ban ekla ak ara, neiknaʾ salalasuk nimi nauba maro balamek. Wera hnonda henga lum ulusuk nimi hnon, hnonda koma bulumek nimi hnon, hnonda nonga yana soruka heilisuk nimi hnon maro balamek. Dara, meka waral yabalya enyek, wene sab-sab hwibnobaʾ aboka diri malamek.

MARKUS 1:39

Dara, Yesus ara Galilea mok soko heik me nidyaʾ eb girigoka, Yahudi inim edya yuba don e pik wekoka Imik Neyung yuba leb elekgiga, bisaʾ goleklesuk nim, yakoka hwelesuk.

MARKUS 2:28

Anasa nimi dibaʾ me ara, ban Sabat mem sum amba anaba dubnya ulumna,” hyok.