MARKUS 2:7 - PERJANJIAN BARU NALCA YUBA

⁷ ”Hekasa ban anaso wenyaro lelemla do? Ban benera Imik Neyung si malya nenelamla,” senewoka seiniwek. Onoʾ, ”Imik Neyung ak hnonok, nim adya malya unaʾ era sikenek ab soba memelesilnya anasa, nim adya dara, unuwanggunuseng,” senemek.

MARKUS 2:7 Խաչաձեւ Հղումներ

LUKAS 5:21

Dara wenyek, Yahudi nang eb, sikja Imik Neyung yuba neksin nang eb dara, sik moumen seiniwoka leldalamekja, ”Ban benera alda Imik Neyung si ak malya nenelamlaʾ anasa, alda heknya do? Imik Neyung ak hnonok malya unaʾ doboka boboganasuso bok anasa, nim ak dara, sikenek ab meewanggunuseng bok bar,” alamek.

LUKAS 7:49

Wenyek nimi yok nim, Yesus ab neikaʾ bukoka delemek nim edya sik moumen ganya lomok, ”Ban benera heknyek ulumlaʾ adya, nim adya malya unaʾ era sikenek ab memelesil do?” aboka seinimek.

YOHANES 10:33

Dara, Yahudi nang edya Yesus ak, ”Anja pe unululam wa nenesa gom, alda an nong anyek nimi sirikaʾ bok, nara Imik Neyung me aboka Imik Neyung ak malya nenelelamaʾ anasa, girik adya obgenobaʾ aboka ulunjab,” hyek.

MARKUS 14:64

Aldamnya Imik Neyung si malya nenelamlaʾ damok ara, ugumba yok okoka keblum. Anasa, ugunja dara, hekaʾ senewolum do?” hyok. Dara sikda nidyaʾ, ”Or obnok,” hyek.

MATIUS 26:65

Wenyek Imik Neyung yuba wa gakaʾ dubnya bera, alja boksom gweldekdangoka, ”Bera Imik Neyung si ak malya nenelamla! Anasa yoknya bedya dib malya unulamla hululaʾ aboka ebnenggunumab. Alja Imik Neyung si malya geblamlaʾ ara, ugunja okoka seleb keblum.

MATIUS 9:3

Dara, Yahudi yuba neksin nang anyagan ulumek nim edya dara, ”Ban benera Imik Neyung si malya nenelamla,” hyek.

MARKUS 2:6

Danyek Yahudi yuba neksin nang anyagan wene nimi yuba kero bulumek nimi edya anyek eiyiboka, sik moumen nidyaʾ ganya lomok leldalamekja,

MARKUS 2:8

Wera ban salek era, Yesus ara sikja anaso senemekaʾ anyek, alja ganya lomok ella ubsuk dara, alja sikenek, ”Ugunda hekasa ugunja ganya lomok ara anaso uro seinilelum do?