MARKUS 2:5 - PERJANJIAN BARU NALCA YUBA

⁵ Yesus adya kemelemok enyek, hwebnamlaʾ anyaʾ senewoka, dib senen ganya enyek eiyisuk dara, Yesus adya nonga heimokaʾ bo yeilimeknya bek, ”Najabo, anja malya unaʾ ara, anak ab seleb meewagen,” hyok.

MARKUS 2:5 Խաչաձեւ Հղումներ

MATIUS 9:2

Heik enyek anara, nimi ben hnon esonaʾ adya yangawoka bo yeilimek. Bo yeilimek nim edya dib senenaʾ ara, Yesus adya eiyisuk dara, alda neiknaʾanya bek, ”Najab o, or anja ganya hekgulul! Anja malya unaʾ era seleb anak ab memenggen bar!” hyok.

YAKOBUS 5:15

Sikja molowanamakaʾ ara, hyak ganya dib senewoka molowanamak dara, wera Wenelesilnya bedya neiklelenya bera meriyiwoka, alja malya umlyaʾ ara meewanamla.

MATIUS 9:22

Dara ban salek enyek, Yesus ara gel genyek saaboka keeboka, ”Najaba gel o, anda ganya siklewoka ublom! Anda dib senewanalemaʾ adya, anda seleb merelam!” hyok. Dara wene sab-sab gel gera gobdo merewok.

EPESUS 2:8

Imik Neyung ara ugunuk wanaʾ uboka eleksinaʾ anasa leboka, ugunda Yesus ak dib senewoka doblumaʾ adya, ugunuk dib blebsuk. An blebsukaʾ ara, ugunja ununaʾ edya dobnenggublum. Anara Imik Neyung adya ok elek loboka blebsuk. Anaso ubsuk bok dara, nimi hnon ara nabeyok dobsa aboka nonggo henggunumso.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

YOHANES 5:14

Wera onoʾ eimik enyek, meremoknya bera Yesus ara Imik Neyung ek sam eibuk dara, Yesus adya benyek, ”Wera anda seleb merewalamaʾ anasa, onoʾ hnon sounuwoka malya unggom mem. Onoʾ malya ubmen dara, hyak nauba so malya dagelyek bar,” hyok.

LUKAS 5:20

Bo yeilimek nang edya, Yesus adya hwebnamlaʾ anyaʾ dib senen ganya bomekaʾ ak eibsuk dara, heimoknya bek an, ”Hem o, anja malya unaʾ era seleb doboka bobogagen,” hyok.

KOLOSE 3:13

Dara neikek, hnonda nimi be hnon yok nim ek alba dirigonun senewanamla dara, or meewanasil dara, malya ubdangamunya nera, meebdanalum. Imik Neyung adya ugunuk malya unaʾ meewousuk sok, ugumbabya neiksonya nenyek unulululum.

2 KORINTUS 2:10

Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna.

1 KORINTUS 11:30

Wera, ban unuwoka salyaʾ lelem delelumaʾ adya, ugun gangganek ara, hnon neiknaʾ salawoka, nonga hmeng uboka, onoʾ hnonda seleb somogolum.

RASUL 14:9

Dara alda bera, Paulus bedya Imik Neyung yuba lelemok dara, pe kero bulumok. Wera danyek, Paulus bedya alak ngekluboka, bera dib senemokaʾ eibookanya, Imik Neyung adya hwebnamso senemok dara,

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

YOHANES 2:25

Yesus ak dara, alda hyak nimi ganya ak orowek ella ulusilnya bek anasa, nim adya bera ban anaso ulumla aboka, nak neknenok senewanggumok.

LUKAS 8:48

Dara Yesus adya gel genyek an, ”Nadya gelma o, anda nak dib senenelemaʾ adya, wera anda merewalem. Anasa anda wera or ganya hekoka ek bindowalom,” hyok.

MARKUS 5:34

Dara, Yesus adya gel genyek an, ”Nadya gelma o, anda nak dib senewanelemaʾ adya, wera hyak dibaʾ merewalem! Anda ganya daboka bimenekanya, or eikaʾ ululom!” hyok.

MATIUS 9:5

Wera har nerek pe yongona lebnesom: Malya unaʾ seleb memenggen, anaʾ ak gom, Sekoka balom, an danyek gom?

MARKUS 2:6

Danyek Yahudi yuba neksin nang anyagan wene nimi yuba kero bulumek nimi edya anyek eiyiboka, sik moumen nidyaʾ ganya lomok leldalamekja,