MARKUS 2:1 - PERJANJIAN BARU NALCA YUBA

¹ Wera lika wen ubokaʾ ara, Yesus ara saaboka onsok Kapernaum heikek yok dara, Yesus ara anyagan ulumla an yub era oboka lelemok.

MARKUS 2:1 Խաչաձեւ Հղումներ

YOHANES 4:47

Dara, soko damnya bera Yesus ara Yudea sokok abaʾ ara, Galilea sokok yeilimla anaʾ kemok dara, Kapernaum heikek ab nadya somogonunaʾ ulumla me era hwebnululaʾ aboka Yesus ak el bilimok.

MARKUS 7:24

Wera Yesus ara anyaganara loboka, Tirus heik moka byuk. Dara Yesus ara e lomok wekoka, e nenyek an wekemla senewoka nim ella deijik senemok bok, alda doknewamenggoma dangamok.

LUKAS 5:18

Ban sum enyek, nimi ben hnon heimoknya bek esonaʾ adya yangawoka, nimi wene nang jaboka bo yeilimek. Bo yeilimek nang edya dara, Yesus ulumlyaʾ saram nong ok beibnobaʾ aboka dulumek.

MARKUS 1:45

Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.

MATIUS 9:1

Yesus ara onoʾ mek ekla bunaʾ ak welewoka bukoka dara, onsok alja heikek sam yok.

RASUL 2:6

Wera kaboʾ uu anaʾ yuba kemek dara, nimi nauba longowoka aknel ganagal yeilimek. Wera onoʾ yuba salamek nim edya, nimi nidyaʾ ara sikjinya yokaʾ yuba hnon kemek dara, loka dasuk.

MATIUS 4:13

Yesus ara Nazaret heikek ara loboka, alda Zebulon Naftali sokok sam Galilea mek gemek sam Kapernaum heikek bindiwoka ulumok.

MARKUS 2:2

Anasa nimi nauba gong-gong longol yeilimek dara, esindamak abaʾ ara, nim ok deknewoka hnon gloʾ orok. Dara, Yesus ara Imik Neyung yuba sikinek leb elegosuk.

MARKUS 3:20

Seleb dara, Yesus ara nim un ek yeilimok. Dara onsok, nimi nauba Yesus ulumokaʾ ak sam longol yalamekaʾ adya, Yesus ab alja yuba doro diriga ban nang eb dara, denaʾ demenggom dangamok.

MARKUS 7:17

Wera Yesus ara nimi gong danyek loboka ek byuk dara, alja yuba doro diriga ban nang edya, ”Ban sunuwoka lesilimaʾ ara hek damok ek lebmeisilim do?” aboka heibek.

MARKUS 9:28

Wera Yesus ara ek wekok salek, alja yuba doro diriga ban nang eblaboka sikbeyok dara, sikda alak, ”Hekaʾ adya nunda bisaʾ ara, yaknenggumab do?” aboka heibek.

LUKAS 4:23

Dara, alda sikenek, ”Ugunda nak ban bol nenenaʾ yub enyek wenyhenenulumaʾ ara, ’Wei, hwelesilimnya o, an damnya hweldalalom. Nidyaʾ yokaʾ-yokaʾ hyak lok soʾ anyek, Kapernaum heikek seleb unululumaʾ kelemoubaʾ ara, wera anyek anjaʾ meneng mok ok an, anyeganyebaʾ unululom henenulumaʾ anyaʾ,” hyok.