MARKUS 10:2 - PERJANJIAN BARU NALCA YUBA

² Dara, Parisi nang era Yesus ak sene sunuwanobaʾ aboka hnon yeilimek. Anya sikda Yesus ak, ”Nunja dolomab yub edya dara, nimi hnon alaʾ gel ak or lobnamso de?” wenyaboka heibek.

MARKUS 10:2 Խաչաձեւ Հղումներ

MATIUS 15:12

Dara Yesus adya yuba doro diriga ban nang edya, Yesus ak yeiniboka, ”Neyung o, anja ban wenyaro lelelam yub era, Parisi nimi kelemak dara, sikja ganya malya ulusilaʾ ara, ella ululam de?” aboka heimek.

MATIUS 16:1

Wera Parisi nim eb Saduki nim eb Yesus ak sene sunuwanobaʾ aboka yeilimek. Sikda Yesus ak, alda aldib Imik Neyung ak ab yeilimok aboka ella danobaʾ aboka, lok so beknaʾ hnon meewalom aboka molowek.

MATIUS 19:3

Dara Parisi nim era, Yesus ak sene sunuwanobaʾ aboka yek. Anya, sikja Yesus ak, ”Nunja yub edya dara, nimi ben hnon gela lobnamla aboka dara, yok-yok damok orok bok, salyaʾ lobnamso de?” aboka heibek.

MATIUS 22:35

Dara, sik gangganek yuba neksinya geremsengnya ben hnon, alja Yesus ak sene sunuwonunaʾ aboka heibok,

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

MATIUS 9:34

Bok Parisi nim edya dara, ”Bisaʾ ganya yamaʾ dubnya bedya, bisaʾ gologoka yaklamla,” aboka lelemek.

MARKUS 10:1

Dara Yesus ara anyaganyeb lanawoka, Yudea mok sokok abaʾ ara, Yordan meka gemek err sam mok sokok bilimok dara, al anyeganabaʾ nimi nauba alak longowoka aknel ganagal yeilimek. Dara Yesus ara on neklemok sok, alda sikenek yuba neklesuk.

MARKUS 10:3

Bok Yesus ara sikenek lebsukaʾ ara, ”Musa bedya dara, ugunuk ara hekaʾ aboka lebsuk do?” aboka saaboka heibsuk.

MARKUS 8:11

Wera Parisi nang hnon Yesus ak yeiniboka, alab yuba sal yabeekanya, sene bobnenewoka gogobaʾ dibnobaʾ aboka, yok lok so beknaʾ hnon, imik heikek abnya nenyek, unuwalom aboka, sikda alak molowek.

MARKUS 8:15

Dara Yesus adya sikenek, ”Ugunda Parisi nang eb, Herodes beb, sikja roti gwaneng welenaʾ enyek ab, hyak pe keeboka ulululum,” hyok.

LUKAS 11:39

Anasa wera, Wenelesilnya bedya benyek an, ”Ugun Parisi nang era sob unululumaʾ ara, yangawoka denaʾ ab, belaʾ ab dara, or eilibek ok mek eleklelum bok, ugunjaʾ nong lomok ak dara, nauba dobsinya ganya ab, malya unaʾ ab dadya ok deknewoka ulusil.

LUKAS 16:14

Parisi nang era, sikda Yesus adya ban nidyaʾ lelemokaʾ ara kelemek. Dara sikda rupiah ak wanaʾ hwam ulumekaʾ adya, Yesus ak okseb goluwek.

LUKAS 5:30

Parisi nanga hnon, Yahudi Imik Neyung yuba neksin nanga hnon wene nang edya, sikda lek ganya bomeekanya, Yesus adya alja yuba doro diriga ban nang ek, ”Ugunda hekasa rupiah molowoka dosin nang ab, malya nang eb, neikaʾ delelum do?” aboka heibsik.

LUKAS 6:7

Dara, Yahudi Imik Neyung yuba neksin nang eb, Parisi nang eb dara, Yesus ak sondaʾ anasa miniwoka hekaʾ huboka lebnob senewoka yuba gak ebnobaʾ aboka, sikda Yesus ara, Sabat mem sum bok nimi hnon hwebnamla do senewoka diri keeblomek.

LUKAS 7:30

Bok Parisi nang eb, Imik Neyung yuba neksin nang eb dara, Imik Neyung adya unu webnesin senemokaʾ damok ara, dobnenggunumab aboka lek senemek. Dara onoʾ sikda hnon Yohanes bedya dara, meka dabsilyek senemek.

YOHANES 11:47

Dara, Parisi nang eb, sikja Imik Neyung yuba wa gakaʾ dub nang eb adya, yuba sabnobaʾ aboka, mok soko dam nang ak molowoka, sikda nidyaʾ eb bolobdangoka longowoka Yesus ara yokaʾ-yokaʾ hyak nauba lok soʾ ara beknaʾ dibaʾ unulamlaʾ anasa, nunda hekaʾ hubnemab do aboka yuba salamek.

YOHANES 11:57

Dara, al neik salek enyek, Parisi nang eb, yuba wa gakaʾ dub nang eb, yok nim ek ugunda Yesus ak eibmun dara, salawoka henga goubnemabaʾ anasa, wera an ulumla aboka nuk nekel yanasulum aboka, wenyab girigemek.

YOHANES 7:32

Parisi nang edya, nimi nauba Yesus ak migiboka yuba ngoroknaʾ dero balamekaʾ kemek dara, sikeneb, yuba wa gakaʾ dub nang eb dadya, Imik Neyung ek keeboka bo ulumek nang ek, salawoka henga goubol bululum aboka orugumek.

YOHANES 7:48

Nimi hnon Yahudi dub nang ek ab hnon gom, Parisi dub nang ek ab hnon gom, Yesus ak dib senemek de?

YOHANES 8:6

Ban nenera, Yesus adya dara hek hulul do aboka, alja wenyhelyaʾ yub edya alak malya uyiwanobaʾ aboka sene heimek. Bok, Yesus sokok sam genib lobonggoka, soruk adya soko dubuk momnya dolomok.

1 KORINTUS 10:9

Israeli nim edya Wenelesilnya ak nauba sunulumek sum era, sikda bokoka darasam bagaʾ adya si sablesuk enyek somogekaʾ anasa, numbabya Imik Neyung ak sunulyamanaʾ ara mem.