LUKAS 1:53 - PERJANJIAN BARU NALCA YUBA

⁵³ Alda denaʾ garan ulumak nim ek, perob ok salyaʾ goklaboka eleklesilikanya, bonaʾ dub ulumak nim ek dara, malya nenewoka soruk dem bululum aboka yaklesil.

LUKAS 1:53 Խաչաձեւ Հղումներ

LUKAS 6:21

Ugunda wen gwaneng ok ulusil nim era, eimik era, mona buknesilaʾ anasa, pe ululum. Ugunda wen engelelum nim era, eimik era, oksewanalumaʾ anasa, wera pe ululum.

LUKAS 6:24

Bok ugun wen dub ululum nang era, ugunda seleb senenya loboka boro delelumaʾ anasa, eimik era ugunuk omomaʾ ak okna dabnesil.

MATIUS 5:6

Nimi gwaneng ok anaso uboka, Imik Neyung adya senelelanya nenyek hyak unulunob senelemak nim era, Imik Neyung adya sikenek gigiwoka eleganesil bok anasa, pe ulumak!

1 KORINTUS 1:26

Wei, ugunda hemyab o, Imik Neyung adya ugunuk youbosuk sum era, ugunda hekaʾ anasonya ululum anyek seiniwolulum. Nimi heng adya ugunuk kemesin dara, geremseng nang hnon, ganya goluwoka sikenek kelemak nimi hnon, yok-yok senenggom dub nanga hnon, nauba unggululum.

YOHANES 6:35

Yesus adya sikenek, ”Na nong anyek nim embengaʾ ul eleksin gwaneng era alan. Heknedya nak yanamla dara, alda gwaneng oka sobaʾ unggulumnamla. Onoʾ heknedya nak dib senewanenel dara, alda mek ok unggulumnamla.

1 KORINTUS 4:8

Ugunda seleb dub nang ululum. Anadya wera yokaʾ-yokaʾ dobsinya ganya bonggululum. Ugunda seleb dub nanga dolum bok, nuk dara, orok! Nublaboka neikaʾ nimi yok nim ek wenelenobaʾ aboka, ugunda seleb dub nanga dangasom dara, perob senewanesinya bok.

LUKAS 1:54

Alda alja ganya angoo yadyek senenaʾ anyek seiniwoka, alda alja wa wenya Israel bek aralamla.