IBRANI 6:8 - PERJANJIAN BARU NALCA YUBA

⁸ Bok soko era erebnaʾ ab giriknaʾ ok malamla dara, wera perob masa mebnenggunuseng soko ek anasa, Imik Neyung adya wema dabnaʾ berrem ulumlakanya, eimik era uka dabnamla.

IBRANI 6:8 Խաչաձեւ Հղումներ

YOHANES 15:6

Heknedya nablaboka kwebdangoka unggulunam dara, gal soruka diboka bobogamna ek mekemnaʾ anaso ulumla. Ban anaso soruk ara, neikaʾ ak mamagoka uka dalamak dara, uka delemla.

IBRANI 12:17

Dara ugunda ella ululumaʾ ara, Esau bera eimik era alda hyak nauba engewoka elemokaʾ anyek babya, alja meknenaʾ era or pe memewolul senewoka hnon eleknaʾ orok adya, ban perobaʾ misaʾ ara dobnenggubuk.

IBRANI 10:27

Sene sobaʾ malya ubdidiganamab dara, Imik Neyung ara yana lelewoka, alak isaʾ nenelemak nim ek uka dabnesil senenaʾ ak ok hnonok ulumla.

WAHYU 20:15

Dara, nimi nidyaʾ sikja si, nimi embengaʾ un buku lomok sam momnya donaʾ orok nim era, ban sobaʾ singilamlaʾ uk mek gwanek sam doboka doronggousukaʾ ak eibsa.

MARKUS 11:21

Wera danyek Petrus bera ampum so anyek seleb lemokaʾ, anyek seiniwoka, alda Yesus ak, ”Neyung neklesilimnya o, wera kendelom! Ampum anyek anja malya dalom amom gal era seleb yalawo!” hyok.

MARKUS 11:14

Dara Yesus adya ban gal enyek an, ”Wenyok moruwoka eimik eneba, anak ab doka hnon nim adya denggununjak,” aboka lebok. Dara, alja ban wenyal yabokaʾ ara, alja yuba doro diriga ban nang eneba kebek.

MATIUS 7:19

Perob galdoka mounggulumla gala nidyaʾ ara, weboka uka dalamak.

MATIUS 3:10

Gal ara yarenga lelewoka weboka uka dabnamna senewoka orowek ya beibuk. Gala nidyaʾ perob doka mounggulumla gal era, weboka uk ak boboganamla,” hyok.

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!