IBRANI 12:23 - PERJANJIAN BARU NALCA YUBA

²³ Anya yuba dorob nang sikja si nera imik heik momnya dobsuk nimi men yando nang ek ab, nimi nidyaʾ pe yana lelesilnya Imik Neyung bek ab, anya hyak pelemek nang edya ganya gong ek ab,

IBRANI 12:23 Խաչաձեւ Հղումներ

LUKAS 10:20

Ban seleb bisaʾ ara ugunja yuba keboka goboka balamlaʾ amba leboka perob senewoka ei-ei ganya bonaʾ ara mem. Alda ugunja si nenyek imik heikek sam momnya dolosilaʾ anasa leboka ei-ei ganya bololulum,” hyok.

YOHANES 5:27

Dara, alja me nera nimi dibaʾ me ulumlaʾ anasa, alja neyung bedya alak nimi yana lelesinaʾ ara seleb elegemok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

1 KORINTUS 13:12

Nunja wen yokaʾ-yokaʾ eillilimabnya nera, heng kemel danaʾ ak an yamaʾ inib-inib anaʾ eillilimab sok anaso eillilimab. Bok eimik ek dara, hyak pe okoka eibnemab. Wenera nara yokaʾ-yokaʾ darasam ok ella ulunabok, eimik era, Imik Neyung adya nak an yokaʾ-yokaʾ ulunelaʾ ella ulunel sok, yokaʾ-yokaʾ nidyaʾ ella danamna.

1 KORINTUS 15:49

Nunda wenera, soko adya uyimoknya Adam bedya hogung enesoʾ ak ulumab sok, eimik era, nunda imik ab sam yeilimoknya bedya hogung enesoʾ ak ulumnemab.

1 KORINTUS 15:54

Somoknaʾ nong era loboka, ulmoubnaʾ nonga lunuwoka eleganesil dara, onoʾ sokok anyeb nong era loboka, imik heik ab nong enyek, lunuwoka eleganesil dara, wera ban unuwanasil sum enyek, Imik Neyung yuba bukuk sam momnya dobokaʾ ara, danyek gigiwanamla ara, ”Somoknaʾ damok ara seleb orok nenewoka goowoka, bleboka usinaʾ ok seleb gigiro lobla,” hyok ara gigiwanamla.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

EPESUS 1:22

Dara, yokaʾ-yokaʾ nidyaʾ ara, Imik Neyung adya dara, Kristus adya dub dangoka bo ubnamla aboka doboka elegoka, yuba donaʾ nim ulumnemakaʾ ara, Kristus anyek, sikja dubnya ulululaʾ aboka elegosuk.

PILIPI 4:3

Nadya hem be an bojam ululamnya bek, ban penya lebna gelewa danyek pe aralesilomaʾ aboka molowagen. Klemens beb nimi yok nanga nab neikaʾ nadya welemna wa yeiriwoka welemouba, onoʾ sik penya gelewa dara, Imik Neyung adyaʾ perob lero yanggan yuba neikaʾ lero yabalemouba gelewa ek anara ulurak. Sikja si nidyaʾ ara Imik Neyung adyaʾ nim embengaʾ un bukuk sam ulusil. Anasa, aralesilom.

KOLOSE 1:12

Hnonda ban adya neyung bek, dilinaʾ pik balamak munaʾ Imik Neyung mab amba beibuknya nek dobneseng senen nang nenelesilnya benyek, ganya eiya daboka perob aboka giblemnelum.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

1 TIMOTIUS 3:5

Nimi ben hnon, alja meneng mabo silibaʾ enyek pe bo unaʾ elgom dara, Imik Neyung yuba donaʾ nim ek dara, alda hekaʾ huboka bo ubnamso do?

IBRANI 11:4

Dara Habel bera, alja ganya dib senenaʾ adya Imik Neyung ak ara Kain bedya giboknya nek ab dara, loboka alda hyak perobnya nenyek elegoka gibok. Wera an pik enyek anyeb uboka, alda alak ara laga lenaʾ dobokaʾ ara alak danyek hyak pebok, anedya Imik Neyung ara alja giboknya nenyek perob senewookanya, alda ganya dib senemokaʾ nong adya, seleb somogomok bok, weneba sobaʾ alda unumok alamak.

IBRANI 11:40

Anasa Imik Neyung ara nusamba dara, hyak perob nongaʾ anyek meewoka beillilisil. Anya nuk orok dara, sikda pe munaʾ pel daknaʾ ak ara binggunuseng.

IBRANI 2:12

Yesus adya Imik Neyung bek, ”Anja si nera nadyaʾ hemyab ek nadya leb eleganamna. Sikja yuba longolomeijaʾ gangganek ab anak giblemnenggen,” hyok.

IBRANI 9:27

Imik Neyung adya nim ara lika hnonok somoganamlaʾ seleb dara, eimik yana lelewanamna aboka seleb orowek garawok.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

1 PETRUS 2:23

Al nong ak derewoka walamek sum era, alja sikba dirigoka wabnenggubsuk. Alda igina kweboka gweklemok sum era, hekasa ulunulum aboka dirigoka obnesin wenyhenggubsuk. Alda alja nong unaʾ era, Imik Neyung pe sunuwoka unulusilnya bek elegok.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 14:4

Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang.

WAHYU 20:15

Dara, nimi nidyaʾ sikja si, nimi embengaʾ un buku lomok sam momnya donaʾ orok nim era, ban sobaʾ singilamlaʾ uk mek gwanek sam doboka doronggousukaʾ ak eibsa.

WAHYU 6:11

Dara sikenek yok-yok ongon akleng hyak geisa nong anyek elegel yabasuukanya, sikenek anaso wenhyok, sikda or dek-deka soboka diri ul yabamunaʾ ara, sikja hemyab neik wa wen nang eb, sik kabo nang eb, sikja hemyabo men osik sok, nang en eimik neikaʾ amba leboka, nimi wene nang obnemak aboka eininaʾ anyek gigiwalya danyek anasa, or diri ublulum, hyok.

WAHYU 6:9

Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.