IBRANI 10:38 - PERJANJIAN BARU NALCA YUBA

³⁸ Nadya me pelelanya bera, nak dib senewoka ganya oloknaʾ senenadyok pe ulumnamla bok, hnon nim era dib senenijedyok, losaawanamak nim era, dara nara sikenek lek senewanasin,” aro momnya dobok.

IBRANI 10:38 Խաչաձեւ Հղումներ

MATIUS 12:18

Momnya dobokaʾ ara, ”Nadya weboka doboka bokol bilimsa me nera an. Nadya alak wanaʾ ulumnakanya, alja nadya ganya hekel eleklenel. Nadyaʾ ganya era alak gologanamlakanya, jong unaʾ damok ara, alja yok-yok mok soko nim ek lero binimla.

MATIUS 13:21

Bok, sikja dolomak Imik Neyung yub ara yarenga eleknenggulumlaʾ adya, sikda pe bobmoruwoka unggulumak. Sikda Imik Neyung yuba dobnaʾ amba leboka, ganya okna dabel yaban gom, yok nim edya ol yabasin gom dara, gobdo malya dangalamak.

ROMA 1:17

Imik Neyung adya peldisinaʾ ara perob lero yanggan yuba pik ab laga dangalamla. ”Pellililanya bera ganya dib senenaʾ nong adyok ulumnamla,” an wenyaro momnya dobok sok, ban Imik Neyung adya peldisinaʾ ara ganya dib senenaʾ adya mengewoka sidyaʾ daklamla.

GALATIA 3:11

Momnya dobokaʾ ara, ”Nim ara perobaʾ dibaʾ nenewoka ulumnamak nim ara, dib senenaʾ adya ulumnamak,” alamlaʾ anasa, unuwanalum an yuba momnya dobokaʾ unulumakaʾ adya dara, Imik Neyung hogung ak perobaʾ nenenggulusil.

1 TESALONIKA 2:15

Wera ban Yahudi nim era, sikja Imik Neyung adyaʾ ununumnaʾ lelemek nang nauba olomekaʾ ara, onoʾ Wenelesilnya Yesus anaba obekaʾ ara, wera nuk anaba malya nenewoka saboka olosak. Sikja dara, nidyaʾ mok soko nim ek isaʾ nenelesakaʾ anasa, Imik Neyung adya sikenek lek senewoka yu ganya bolosil.

IBRANI 10:39

Bok nuk dara, Imik Neyung pika banaʾ beibum aboka losaawanamab nim ek unggulumab. Alda nunda Imik Neyung ak dib senemoubaʾ anasa blebsuk nim ek ulumab.

YAKOBUS 5:6

Nimi nidyaʾ malya unaʾ orok nim ek, ugunja henga geregoka ololum bok, sikja dara ugunuk ara hnon kemel samasinaʾ orok.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.