GALATIA 5:3 - PERJANJIAN BARU NALCA YUBA

³ Nara onoʾ hnon ugunuk laga lebsinaʾ ara, nimi bolaʾ garaldalamak nang era, ban unuwanalum an yub hnonoknya nek sunuwoka unulumakaʾ anasa, hyak nidyaʾ wenyalamlaʾ sunuwoka unulunok.

GALATIA 5:3 Խաչաձեւ Հղումներ

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

ROMA 2:25

Anda Yahudi nim emba unuwanalum an yub ek pe keboka unululam dara, bolaʾ garanaʾ ara perob dangalamla, bok anda anyek bleklelam dara, anak garawajeknya nera salyaʾ lelem ub lobjek.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

MATIUS 23:18

Onoʾ ugunja yok nim ek yuba lebnamna dara, nimi ben hnon alja Imik Neyung amba uka daboka gibnaʾ oulyang ak si sibuka dib unuwanamna alamla dara, dib danganggululabok, alda bo beil bilimna bonaʾ ek si sibuka dib unuwanamna alamla dara, dib dangalamla, alalum.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

1 TESALONIKA 4:6

Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 2:40

Onoʾ Petrus bedya ban wenyaboka nauba wenewoka lelesuk, ”Ugunda wera Imik Neyung adya eimik obsunun aboka ubsil sokok anyeb orowek blebdangoka ulululum,” aboka sikenek lelesuk.

LUKAS 16:28

Nadya weisabo lambadya nang ulumakaʾ anyek, sikbabya igina kweboka gweknaʾ ak an yeijek anasa, Lazarus bedya wenel busululaʾ aboka orugalom, hyok.

MATIUS 23:16

”Ugunda hyak heng lum dub nang uboka hyak omomaʾ ak ululum! Ugunja yok nim ek sam yuba neknamna dara, nim Imik Neyung saramek ak dib unuwanamna alamla dara, wenyananya bera Imik Neyung gibnaʾ e sibuka yuba garalamla dara, dib danganggulumla, bok alda Imik Neyung ek ulumla bonaʾ ek si sibuka dib unuwanamna alamla dara, dib dangalamla, alalum.

RASUL 15:1

Wera nimi wene nang Yudea sokok sam ab ara, Antiokhia heikek yeilimeekanya, Imik Neyung yuba domek nang ek wenewoka, ”Ugunda Musa bedya momnya dobok yuba sunuwoka bolaʾ garanaʾ orok dara, dib embengaʾ blebnenggunusil,” aboka lel eleklesik.

GALATIA 5:2

Nara Paulus bedya hyak dib lebsinaʾ ara, ugunda bolaʾ seleb garabdanalum dara, Kristus al nong ugunsambaʾ ara, salyaʾ lelem danesil.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.