EPESUS 6:24 - PERJANJIAN BARU NALCA YUBA

²⁴ Nunjaʾ Wenelesilnya Yesus Kristus ak orok dengaboka sarangganggunumla wanaʾ unaʾ edya, wanaʾ ululum nang ek wanaʾ uboka eleksinaʾ adya bo ulusulul. Nara Paulus bedya gibsin, perob.

EPESUS 6:24 Խաչաձեւ Հղումներ

MATIUS 22:37

Anasa Yesus adya benyek an, ”Anda Imik Neyung ak anja ganya gebman adya hnon, anja nong unaʾ gebman adya hnon, anja ganya seininaʾ adya hnon, hyak wanaʾ nong ululom.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

TITUS 3:15

Nunja hemyabo nimi nidyaʾ anyagan nab neikaʾ ulumab nim edya, ugunuk perob aboka gibsak. Nunja gibsabnya nera, nunja hemyabo yok nimi, yuba dib senelemab adya wanaʾ ulusak nim ek, unu gibisak aboka nekdo yibinelam. Anya wera, Wenelesilnya bedya, ugunuk nidyaʾ nauba wanaʾ uboka eleksinaʾ ara ulusulul. Nara Paulus bedya seleb lebsin.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

2 TIMOTIUS 4:22

Wenelesilnya bera anak ganya arawoka ulunggulul. Wenelesilnya bedya anak wanaʾ uboka eleksinaʾ ulusulul. Nara Paulus bedya seleb lemna.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

2 KORINTUS 8:8

Nera nadya oruksin yuba anaso lebnenggubna, alda yok nim edya or nim arawanamab senelemaknya nenyek nauba unulumakaʾ anasa, onoʾ nadya dara, ugunda hekaʾ huboka nimi yok nim ek wanaʾ ululumaʾ anyek sunuwosununaʾ aboka lebsin.

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

IBRANI 13:25

Dara wanaʾ uboka perob eleksinaʾ adya ugunuk bo ulusulul.

KOLOSE 4:18

Nara Paulus bedya gibsin. Ban gibsin yub era nadya soruk nong edya webemna. Nak henga goubnyekaʾ ara sobaʾ seinilinulum. Wanaʾ uboka eleksinaʾ ara, ugunuk ulusulul. Amin.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

EPESUS 6:23

Nunja neyung Imik Neyung bedya hnon, Wenelesilnya Yesus Kristus bedya, nimi nidyaʾ yuba dololum nim ek, ganya heknaʾ hnon, dib senen ganya boboka, wanaʾ unaʾ hnon eleklesulul.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!