EPESUS 6:23 - PERJANJIAN BARU NALCA YUBA

²³ Nunja neyung Imik Neyung bedya hnon, Wenelesilnya Yesus Kristus bedya, nimi nidyaʾ yuba dololum nim ek, ganya heknaʾ hnon, dib senen ganya boboka, wanaʾ unaʾ hnon eleklesulul.

EPESUS 6:23 Խաչաձեւ Հղումներ

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

ROMA 15:33

Wera Imik Neyung al ganya pe namen unaʾ damoknya bera, ugunuk sobaʾ ulusulul! Amin.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

GALATIA 6:16

Wera anaso ganya boboka ulumak nim eb, onoʾ nidyaʾ Imik Neyung alja Israeli nang dibaʾ ara, Kristus yuba dib dolomak nim enyek, Imik Neyung adya namen unaʾ ab, angoo yadyek senewoka arasinaʾ ab, ugunuk ulusulul senelamna.

EPESUS 6:24

Nunjaʾ Wenelesilnya Yesus Kristus ak orok dengaboka sarangganggunumla wanaʾ unaʾ edya, wanaʾ ululum nang ek wanaʾ uboka eleksinaʾ adya bo ulusulul. Nara Paulus bedya gibsin, perob.

1 TESALONIKA 5:8

Bok, nunda dilinaʾ mab silibaʾ ulumabaʾ anasa, nunda pe diri ubdangoka, dib senen ganya ab, wanaʾ un ganya ab, seng anasoʾ enegoka, dib blebnesil senen ganya adya huk golubdangoka ulumnemab.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

2 TESALONIKA 3:16

Wenelesilnya bera nuk penaʾ ul eleksilnya ulumla. Anasa, Wenelesilnya bedya ugunuk perob unaʾ ara yokaʾ-yokaʾ nidyaʾ ara ugunuk eleklesulul. Imik Neyung ara ugunuk nidyaʾ nang ek arawoka bo ulusulul.

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

1 TIMOTIUS 1:3

Nara Makedonia sokok balamsa sum enyek, anak dukaʾ lolowoka anda Epesus heikek ululom aboka lenggesa sok, unuwalom. Nimi sondaʾ anasa bobnenewoka lelesak nang edya malya neneweisijik anasa, anja yuba sekdo anda Epesus heikek ululom.

1 TIMOTIUS 5:8

Nimi ben hnon sik nimi yilaʾ ak hnon, nauba so ara, alja meneng mabo silibaʾ enyek, pe arasinaʾ orok dara, alja yuba dib senelamlaʾ ara, malya gebdangoka yuba donaʾ orok nim ek dara, or sang so bok, ban benyek dara hyak malya nongaʾ ak ulumla.

1 PETRUS 5:14

Ugun moumen anaba Imik Neyung yuba dolomak nimi beknaʾ dolululaʾ aboka, nadyaʾ hemyab aboka gibdangoka ulululum. Dara, Imik Neyung adya Kristus mabo silibaʾ dangalum nim ek heknaʾ ganya ara sobaʾ ulusulul. Nadya Petrus bedya seleb lebna.

3 YOHANES 1:14

Alda anab neikaʾ eibdeinimekanya, ok ab neikaʾ bukoka pe sabnomaʾ aboka, dubla anaʾ loboka yananabok anasa, lobna.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.