EPESUS 6:19 - PERJANJIAN BARU NALCA YUBA

¹⁹ Nara Imik Neyung yuba lel yabanya dara, Imik Neyung adya ban yub enyek sablom aboka neknululaʾ aboka, nasamba hnon mololenululum. Wera anadya nara Imik Neyung adyaʾ perob lero yanggan yub era, yok nim ek asaʾ ganya boboka doknomok yub era pe leb eleganamnya yuba gak enyek neksununaʾ aboka hnon mololenululum.

EPESUS 6:19 Խաչաձեւ Հղումներ

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

RASUL 4:29

Anasa Wenelesilimnya o, wenyok sikda nuk wellublesak anyek kendesilom. Onoʾ nuk anja wa wen nang enyek, anja yub enyek lok orok anyek asaʾ ganya boboka leb giriganobaʾ aboka, or unuwanalum aboka nuk migibaʾ elegeisilom.

2 TESALONIKA 3:1

Anya wera, hemyabo nim o, nunsamba hnon heng uboka mololesululum. Hnonda Wenelesilnya bedya yub era, ugun dolum sok, li sobaʾ nauba danggiga balamlyekanya, imik nenewanokaʾ aboka mololesululum.

1 TESALONIKA 5:25

Na kabo nim o, nunsamba mololesululum.

IBRANI 13:18

Dara nunda yokaʾ-yokaʾ ak ara hyak pe unya nenyek senelemabaʾ anasa, wera nusamba leboka hyak sobaʾ heng uboka mololomnesulum. Nenera nunda ella ulumabaʾ ara nunjaʾ mek ganya ek dara, hyak pe ulumabaʾ anasa.

RASUL 4:31

Wenyaboka Imik Neyung ak seleb mololgogol yabek dara, sik longomek e nera warawoka lobok. Dara, sikda nidyaʾ ara Imik Neyung Geisinya adya deknewoka, asaʾ nong anyek, Imik Neyung yuba nim ek lero yabalamek.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

2 KORINTUS 8:7

Anasa wenyek dara, ugunda yokaʾ-yokaʾ pe unululumaʾ yak nim ululum. Yuba dib senenaʾ hnon, perob yuba sanaʾ hnon, perobaʾ ella danganaʾ ak hnon, ganya gouluwoka aranaʾ ak hnon, nuk sam wanaʾ ulusulumaʾ hnon, ban nidyaʾ pelelumaʾ anasa, an yok nim ek aranaʾ anaba hyak nauba perobnya nedya unulululum.

EPESUS 1:9

alda soko nang blebnamna senemokaʾ doknomokaʾ ara, alja men ganya doboka Kristus pik uboka, wen nuk laga nenewok.

1 KORINTUS 4:1

Anasa nuk dara, wera Imik Neyung adya gegemokaʾ anyek, nuk elegosuk nim uboka, kristus ak arawoka welemak nang ulumak alasinok.

RASUL 28:31

Dara, yokaʾ-yokaʾ adya Paulus bek igina kwelinaʾ orokaʾ anyek, al nong ara asaʾ ganya boboka, Imik Neyung adya senenggom wenesinaʾ yub ab, Wenelesilnya Yesus Kristus amba yub ab, dara anyaʾ aboka geklewoka lelesuk.

RASUL 19:8

Paulus bera walaʾ winilya Epesus heikek uboka, anyagan Yahudi nim edya yuba don ek wekoka Imik Neyung adya eimik wenelemnesil yub enyek, nimi yok nang ek lolowoka anyek aboka bekellilisuk.

RASUL 13:46

Bok Barnabas beb, Paulus beb dara, danyek nauba so asaʾ ganya boboka yeiriwoka lelerek. Dara sikja lelerek ara, ”Imik Neyung adya yub enera ugunuk men seleb leb eleganesiseng senelelabok, ugunda lek senewoka wekdo doroklolumukanya ugumba yok nunda dib embengaʾ ulmoubnaʾ era dobnenggunusibya senen ululum anasa, wera nunda ugun Yahudi nim ek loboka, yok sokok nim ek Imik Neyung yuba lebnom aboka balanam.

PILEMON 1:22

Hnon ugunja nasamba mololenulumaʾ anyek, Imik Neyung adya keboka unuwanamlaʾ seleb ella ulumnaʾ anasa, na nong anyek doboka ugunuk sam bo yanelya sum era, anjaʾ ek sam mabnamnaʾ anasa, ekla hnon nasamba orowek meeb lonelomaʾ aboka molowagen.

KOLOSE 2:2

Sikda nidyaʾ yok-yok pe ella ubnamaakanya dib mel-mel aboka dib senenaʾ dibaʾ dosulul aboka, anya onoʾ sikda Imik Neyung adya men laga danggumokaʾ, al Kristus nong anyek pe ella ubnemak aboka, sikda ganya lomok sangabdangoka, wanaʾ ubdangoka ulunok senelamna.

2 KORINTUS 3:12

Wera nunda nenyek unu dib senelemabnya nenedya, wera ban enera yuba asaʾ ganya boboka lelemab.

1 KORINTUS 1:5

Ugunda seleb Kristus lomok uboka, wera ugunuk dara, yokaʾ-yokaʾ nidyaʾ ara, dub danganaʾ ak ululum. Ugunda yok-yok yuba salalumaʾ hnon, ella dangalalumaʾ hnon adya, dub nim ululum.

RASUL 14:3

Dara, Paulus beb, Barnabas beb dara, Ikonium heikek ara liga nauba so mandewoka ubdarek. Wera ulurek ab dara, hyak asaʾ ganya boboka, Wenelesilnya bedya yuba nauba lelerek. Wera Wenelesilnya bedya anaba, nadya wanaʾ uboka eleksinaʾ yub ara, dib ulumla ella danokaʾ aboka, lok so beknaʾ ab, senenggom lok so ununaʾ ab, elegesuk.

RASUL 9:27

Wera onoʾ eimik Barnabas bedya Saulus bek yeiniboka, Saulus eboka bobok dara, Yesus yuba lenaʾ gak nang ek bo biniboka amasuk. Dara Barnabas bedya Saulus bera hekaʾ anaso uboka Wenelesilnya bek eibookanya, onoʾ hekaʾ huboka Wenelesilnya bedya alak lemok ara sikenek nekesuk. Wera onoʾ Barnabas al Saulus hyak asaʾ nong anyek, Damsyik heikek Imik Neyung si nimi yok nang ek lel eleklesuk anyek sikenek nekesuk.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

2 KORINTUS 7:4

Nara ugunda pe unulumnemakaʾ anyaʾ senelesin. Nara ugunuk nauba gigilesin. Nunda yok-yok igin edya kweboka ol neblesil bok, ugunja unaʾ edya, ganya hekel eleklenulum. Anya nadya ganya era, anadya nauba eiya dablenel!

2 KORINTUS 1:11

Ugunja nunsamba aboka, Imik Neyung ak mololesulum adya keboka, alda nuk blebnesilaʾ anyaʾ senelemab. Dara, nimi nauba Imik Neyung ak mololomak molonaʾ adya aralesak dara, nuk perobaʾ nauba eleklesil dara, nimi nauba Imik Neyung nunja molonaʾ keboka unulamla aboka, sikda Imik Neyung ak giblemnemak.

1 KORINTUS 2:7

Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

ROMA 15:30

Bok nunja wenesinya Yesus Kristus ab, Geisinya adya wanaʾ usinaʾ ab, danasa leboka, hemyabo nang, nara ugunuk wenewoka wenyhenemnaʾ ara, ugunub nab Imik Neyung ak molonaʾ anyek neikaʾ hiboka, nasamba mololomnemab,

RASUL 18:26

Dara, Apolos bera hyak asaʾ nongaʾ anyek Yahudi nim edya yuba don ek sam wekoka nim ek yuba leb einisuk bok, Akwila Priskila sik nang penya edya kerek dara, Apolos bek yalom aboka sikja ek sam bo bilirek. Dara, sikja ek ab Apolos bek Imik Neyung pik ara alan aboka, pe wenewoka nekerek.

RASUL 4:13

Dara, nimi nauba henga gereksin ek yuba sabnobaʾ aboka longomek nim era, Petrus beb Yohanes beb, sikja asaʾ nong anyek yuba saboka, sikda sekolah hnon nauba donaʾ orok bok, nauba pe lelerek eiyimek dara, hyak loka nauba dasuk. Dara wera, sik penya dara, Yesus yuba doro diriga balarek nang era alan senewoka, bekoka ella dangamek.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

RASUL 9:29

Dara Saulus bera, Yahudi nang bok, Yunani yuba salamek nang eb, neikaʾ yuba heibdangoka, onoʾ sabdangdang balameekanya, sikda Saulus bek obnemab senen ganya boboka dulumek.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

2 KORINTUS 6:11

Ugunda Korintus heikek ululum nim o! Nunda ugunuk hyak nidyaʾ lelewoka laga lebsab. Nunja ganya seiniwoka bolomabnya nera nidyaʾ laga poboka lebsab.

EPESUS 3:9

Yokaʾ-yokaʾ nidyaʾ ulumlaʾ uyimoknya Imik Neyung adya, alja unuwanamna senemokaʾ ara, youmaʾ ekaʾ mouruwoka doknomokaʾ ara, nak pik uboka eleganyokaʾ ara, nimi nidyaʾ ara Imik Neyung ara hekaʾ huboka alja wen unuwanamna senemokaʾ ara ella danamak aboka eleganyok.