EPESUS 6:11 - PERJANJIAN BARU NALCA YUBA

¹¹ Iblis adya yokaʾ-yokaʾ ak bobgeregoka dulusilaʾ ak sam, ugunda pe mel-mela we seklelulumaʾ aboka, ugunda Imik Neyung adya yina mala senga nidyaʾ boboka eneklelulum.

EPESUS 6:11 Խաչաձեւ Հղումներ

2 KORINTUS 10:4

Nunja sokok an oldalamabakanya, bolomab yina mal era, sokok abnya nek bonggulumab bok, nunja yina mal era, Imik Neyung migibaʾ goululamlaʾ ak bolomab. Wera an yina mal enedya, gasa mouboka welemak oulyang ek dolul meneklemab.

ROMA 13:12

Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

1 TESALONIKA 5:8

Bok, nunda dilinaʾ mab silibaʾ ulumabaʾ anasa, nunda pe diri ubdangoka, dib senen ganya ab, wanaʾ un ganya ab, seng anasoʾ enegoka, dib blebnesil senen ganya adya huk golubdangoka ulumnemab.

EPESUS 6:13

Anasa, malya unaʾ lanawanamla salek enyek, ugunda pe ganya migibaʾ anyek saawoka oldalamunukanya, yokaʾ-yokaʾ nidyaʾ unubgogowoumun dara, bisaʾ ab obdangdibigemunaʾ ara, ugunda senenggom obsimenggom nanga dangoka sekmoublulumaʾ aboka, Imik Neyung eleklesil yina mala senga nidyaʾ boboka eneklelulum.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

2 KORINTUS 2:11

Nunda bisaʾ dubnya Satan bedya welemla wa pik era seleb ella ulumabaʾ anasa, nadya ban unulunanya nera, bisaʾ adya nuk lolowoka imik dalyek aboka unulamna.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

2 KORINTUS 11:3

Hawa gek bagaʾ geremseng adya bob geregemok sok, Kristus ak ganya gekman bojam ululumaʾ anyek, bob neneweisilyek senewoka lok ganya bolomna.

2 KORINTUS 6:7

Dib yuba lenaʾ adya hnon, Imik Neyung migib adya hnon, Imik Neyung adya perobaʾ nenenaʾ era, hnonda yin dibaʾ oldan danasa hnon, blebeldan danasa hnon, nunda Imik Neyung adya perob wa wen nang ulumab beknaʾ era amalamab.

WAHYU 2:24

”Bok ugun yok nimi Tiatira heikek ululum nim era, ban malya unaʾ yub ek sunuwoka ununaʾ loboka, Satan bedya hyak lomok so unuwanalum alalanya nek ara einiwoka ella danganggululum nim ek lebsin. Ugunuk an hekaʾ ulusilaʾ anyek, pe salabmoubuka ulumunaʾ moruwoka na yanamna. (Nara anak an yok igin yakaʾ ara hnon eleganggununggen.)”

EPESUS 4:24

Anya, wenyok uldilisil nong unaʾ era, Imik Neyung ara hyak perob ok uboka, geisa ulumla sok ulumla nong unaʾ enyek, anasoʾ anyek unura ulunobaʾ aboka doblum.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

1 KORINTUS 10:13

Ugunuk an sunulyamalesil sununaʾ ara, yok nimi nidyaʾ anaba, sunulyamalesil soknya nek ulusil. Dara, Imik Neyung ara hyak bojam ululanya ulumlakanya, ugunuk yokaʾ adya senenggomaʾ sunulyamelesil dara, Imik Neyung adya ugunja migiba sunuwoka, uka nauba sunulwenenggom henemla. Dara, ugunuk sunulyamalesil sum era, ugunda pe siklewoka ululumaʾ aboka, Imik Neyung adya pika bak lobnesil.

MARKUS 13:22

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.

YAKOBUS 4:7

Anasa wera, ugunda Imik Neyung bek, nunja dubnya senewoka, pe kelemunukanya, Iblis bek mala bolomun dara, yeiri bindowanamla.