EPESUS 5:19 - PERJANJIAN BARU NALCA YUBA

¹⁹ Alda ugun yuba saldalamunaʾ ak ara, Mazmur bera hnon, Imik Neyung ak gibna bera hnon, yok-yok Imik Neyung bera hnon, seblemnelum. Anya, ugun ganya lomok anaba, Wenelesilnya bemba seblemnelum.

EPESUS 5:19 Խաչաձեւ Հղումներ

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

1 KORINTUS 14:26

Hemyab o, anasa wera, ban nidyaʾ lebnanya nera damok ara hekaʾ ak lebna do? Ugunda mamagoka longolulum dara, hnonda bera seblemak, hnonda yuba neklesak, hnonda Imik Neyung ak ab, yok-yok ununaʾ neklesak, hnonda yok-yok yuba bobgeregoka salamak, hnonda yuba salamak ara, anasa-anasa lelemak aboka, yana lelewoka neklesak. Bok ban nera nidyaʾ ara, Imik Neyung mab bukiyiwanobaʾ aboka unul dalalulum.

RASUL 16:25

Wera inimnek dukdukanek enyek, Paulus beb Silas beb dara, Imik Neyung ak heng uboka molowoka, bera seboka giboka lelerek. Dara onoʾ yok anyagan henga geregoka beiyisik nang era sikenek kero ulumek.

YAKOBUS 5:13

Ugunda nimi ben hnon alda ganya ebnamla dara, men Imik Neyung ak molowolul. Nimi ben hnon alda perob ganya boblya dara, alda men Imik Neyung ak bera seboka giblelul.

MATIUS 26:30

Seleb unu debgogowek dara, sikda Imik Neyung bera hnonok sebeekanya, sikda Zaitun meinik sam byik.

MATIUS 15:8

Nimi ban nim enera, sikda yuba dem adya ok Imik Neyung ak giblemab aro giblenyak bok, sikja ganya era hyak mok beiyik gebdangoka ulumak.

1 KORINTUS 14:15

Anasa wera, nara hekaʾ hubnesinya do? Dara nara ban nenyek eimik unuwananya nera, nadya ganya edya mololemnenabok, onoʾ pe seinin ganya anaba neikaʾ mololemnamna. Dara ganya adya bera ara seblemnamna bok, pe seinin ganya edyaʾ anaba, seblemnamna.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.