EPESUS 4:28 - PERJANJIAN BARU NALCA YUBA

²⁸ Nimi hokaʾ dololenya bera, hoga donaʾ ara wera loblul. Alda bera alja yokaʾ nong ok anyeb, bonaʾ garan ulumak nim ek elegousululaʾ aboka, alja soruk yokaʾ edya perob wa welelul.

EPESUS 4:28 Խաչաձեւ Հղումներ

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

YOHANES 12:6

Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.

LUKAS 19:8

Wera ek ab dara, Zakheus bera sekoka Yesus ak, ”Wenelesilimnya o, dibaʾ unuwanamnaʾ ara nadya bonaʾ nidyaʾ ara hnoumunga gaboka, bonaʾ orok nang rupiah deknyekanya, bokoka eleganesin, dara onoʾ nimi nidyaʾ nadya sondaʾ leboka usisa nang era, sikba onsok lunuwoka, dombadya anaso sounuwoka eleganesin!” hyok.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

2 KORINTUS 8:2

Sikenek hyak yok-yok senenggom igina kwelesukaʾ anaba, sikda nauba ei-ei ganya boboka heknaʾ ganya uboka, sikda hyak bonaʾ garan ulumekjok, yok nim ek nauba arawanamab senen ganya bolomek.

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

YOHANES 13:29

Yudas bera, sikja rupiah beilinanya ulumokaʾ anasa, hnon nang edya dara, Yesus adya sik delemekaʾ amba denaʾ hnon dekel bilom aboka orugamla gom, bonaʾ orok nim ek rupiah hnon elegel bilom aboka orugamla gom, senemek.

LUKAS 3:8

Wera anasa, nunda seleb malya unaʾ ak ab ganya danganaʾ geknewolul aboka, anyek sunuwoka beknaʾ okoka unulululum. Anya ugunja ganya lomok ara, Abraham bera nunja neyung ulumlaʾ anyaʾ seneldanggom mem! Anasa nara ugunuk wenyhenesin, Imik Neyung ara ban girik danaba nimi geboka, Abraham nang yilaʾ dangiyiwanemso!

1 KORINTUS 4:12

Nunda yokaʾ-yokaʾ dobnobaʾ aboka dara, nunja soruk adya yeiriwoka welemab. Nuk nim adya weil malyaʾ gloksin dara, unuwesin nang ek amba perobaʾ-perobaʾ lelemab. Nuk malya nenewoka obsin dara, obsin nang ek sam siklewoka lolomab.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.