EPESUS 4:19 - PERJANJIAN BARU NALCA YUBA

¹⁹ Sikja unulumak ununaʾ era meknelemab senewoka alya ganya bonaʾ orok adya yok-yok malya unaʾ era, salyaʾ sikja ganya doboka, gela salyaʾ salero yabalamaakanya, yeiriwoka yok-yok malya unaʾ nidyaʾ unura yabalamak.

EPESUS 4:19 Խաչաձեւ Հղումներ

1 TIMOTIUS 4:2

Sikda yuba lelesak nang era, sikja lelesija yub era sondaʾ yub ella ulumakjok, sene bobnenewoka lebnesak. Sikja ganya lomok ara sobaʾ bleilimna girik ek heilimla soko adya, sik damnya dara nunda malya ulumabaʾ ara ella unggulumak.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

YUDAS 1:11

Sikda hyak omom nongaʾ ak ulumak! Wera an unulumakaʾ ara, Kain bedya unumok malya unaʾ enyek, neik diligaʾ unulumak. Onoʾ, rupiah dobnob senewan dara, Bileam bedya umok diligaʾ doboka, dibum aboka malya ulumak. Hnonda, Korah bedya blekoka umok diligaʾ doboka, blekoka orok neneldalamak.

WAHYU 18:3

Dara, yok-yok mok soko ulumak nim era, alja salyaʾ salaleneseng ganya anggur mek enyek, seleb sikda jek. Hnonda sokok an wenewoka bo un dub nang eneba, alak salyaʾ salawoka, sokok an bonaʾ dekdo yaben nang eneba, alja salyaʾ salaleneseng ganya youruk-youruk anaʾ enedya dub dangamek,” hyok.

2 PETRUS 2:22

Sikja malya unulumakaʾ ara ban bol nenenaʾ yub enyek gigilamlaʾ ara, ”Gam ara alja men dukumna denaʾ enyek, eimik saawoka del balamla,” hnonda, ”Pam ara meka hwillilimak pam era, onoʾ saawoka lesa dal balamak,” hyok. Anaso nim Imik Neyung yub ella ulunadyok, eimik sum era yuba lolomak nim era nenyek gigilamla.

1 PETRUS 4:3

Ugunda youmaʾ yuba dobnenggulum salek era, nim Imik Neyung yuba dobnenggom nim edya unulumak ununaʾ seleb ura dakdowolum. Ugunda hyak nauba malya ululum. Ugunda youmaʾ dara, yokaʾ-yokaʾ malya unuweisinya ganya adya hnon, gela salaweisinya ganya hnon, yu meka deregoka ganya uu asin meka delelum, malya unaʾ hwam adya goluwoka, bisaʾ nauba hyak pe giboka, henga kemenaʾ malya dangalamla malya unaʾ eneba unululum.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

MARKUS 7:22

yok-yok bonaʾ uluneso ganya bolomak, yok-yok malya unaʾ ganya bolomak, nimi bobnenewoka sondaʾ lelemak, yok-yok malyinya nok unulumak, yok nim edyaʾ amba solom ganya bolomak, nimi derelemak, dengdang ganya bolomak, dongdang anaʾ ganya bolomak; ban malya unaʾ danyek lanalamla.