EPESUS 3:15 - PERJANJIAN BARU NALCA YUBA

¹⁵ Ban Imik Neyung enyek anyeb, alja mab imik ulumak nim eb, sokok sam ulumak nim eb dara, alja si nidyaʾ munaʾ gobdo ella dangoka dolomak.

EPESUS 3:15 Խաչաձեւ Հղումներ

EPESUS 1:10

Unu seinimokaʾ ara, yokaʾ-yokaʾ wen ulumlaʾ nidyaʾ sidyaʾ daknamla salek enyek, Imik Neyung adya dara, imik ulumlaʾ sokok ulumlaʾ, nidyaʾ hnonokaʾ ak nenewoka Kristus anyek dubnya ulumnamla aboka orowek seinimok.

EPESUS 1:21

Wenewoka bo usinaʾ gom, senenggom dub unaʾ gom, yok-yok migibaʾ gom, wenewoka oruksinaʾ gom, nidyaʾ yok-yok si sinaʾ dub unaʾ gom, wene salek gom, eimik yanamla salek gom, nidyaʾ migib era mek bok, Kristus ak Imik Neyung adya elegok migib era, hyak senenggomaʾ lok soʾ ak elegok.

WAHYU 3:12

Heknedya malya unaʾ ak ab oblamaganalanya bera, nadyaʾ Imik Neyung ek sam alak senenggom egomnaʾ nenewanamna. Dara, alda hyak mekaʾ goubnenggunumla. Anya, nadyaʾ Imik Neyung bedya si neb, Imik Neyung bedyaʾ anyek imik heikek ab uboka eleganasil heik si Yerusalem ara, benyek an momnya dobnamna. Anya onoʾ nadyaʾ wenyok si neneba benyek an momnya dobnamna.”

WAHYU 2:17

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara, pe keblul! Heknedya malya unaʾ ak ab oblamaganalanya bera, doknowoka ulumla mana gwaneng delom aboka elegoka, nadyaʾ geisa dangman girik era benyek eleganamna. Ban girik enyek ara, yok nim elgom ulumak. Alda sik dobnemak nim edya ok ella ubnemak wenyok si nenyek, momnya dorob girik ek eleganamna,” aro momnya dobnelam, hyok.

KOLOSE 1:20

Anya Imik Neyung adya, alda yokaʾ-yokaʾ ab, al nong ab, neikaʾ hibnunaʾ aboka dara, or sokok an ulumlaʾ gom, imik heik ulumlaʾ gom, alda yokaʾ-yokaʾ neikaʾ ara hiyiwousununaʾ aboka, Kristus obek gal eneng pik seleb neikek hiyiwousuk.

RASUL 11:26

seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.

EPESUS 3:14

Wera ban nenesa leboka, nara nunjaʾ neyung Imik Neyung ak koma lumugoka mololesin.

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,