2 TIMOTIUS 4:9 - PERJANJIAN BARU NALCA YUBA

⁹ Nak sam an men younunaʾ aboka dululom.

2 TIMOTIUS 4:9 Խաչաձեւ Հղումներ

LUKAS 12:58

Nimi ben hnonja anak, anja hokaʾ donulum aboka henga gouboka, yana lelelesak ek bo bininggel dara, anam pikek balarumun salek enyek, hyak ganya pe seiniwoka anaso-anaso meebdananam aboka, wenyaboka meebyamadenesom. Ban nenyek unuwanggunulam dara, bo bigelenya bedya yana lelesinaʾ dubnya bek dib unuwokaʾ aboka, doboka elegagelya dara, anya onoʾ yana lelesinaʾ dubnya bedya, an nong doboka yin bonaʾ dubnya bek elegagelya dara, yin bonaʾanya bedya, anak doboka gasa ek doronggoka beibnenggel.

2 TIMOTIUS 1:4

Nadya dara, ugunja ganya angwei senelelumaʾ ara seiniwoka mololesin. Ban nenesa leboka, nara anab hyak okoka eibdeisinimaʾ adya, nadya ganya hekneso senelamna.

2 TIMOTIUS 4:21

Saragenaʾ li yenewanggumlya salek enyek, men bunun senewoka pe duboka nak yanalam. Ebulus beb, Pudes beb, Linus beb, Klaudia geb dadya, anak perob aboka gibjak. Dara onoʾ anyagan yok yuba dolomak nim edyaʾ anaba, hnon anak perob aboka gibjak.

TITUS 3:12

Nadya Artemas bek gom, Tikhikus bek gom, anak bilom aboka ben hnon boknyaʾ anyek, ben hnon anak yalya dara, nara sargenaʾ li yenewalyebok dara, Nikopolis moka ulumnamna senemnaʾ anasa, men na ulumnyaʾ ak berra yanalam.