2 TIMOTIUS 4:17 - PERJANJIAN BARU NALCA YUBA

¹⁷ Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

2 TIMOTIUS 4:17 Խաչաձեւ Հղումներ

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

IBRANI 11:33

Dara sikda ban nang era, ganya dib senenaʾ pik uboka, senenggomaʾ wenesin nang edya heik mok soko era malyaʾ geboka, penaʾ amba ununumnaʾ leboka, eleganasin amokaʾ ara doboka, singaʾ gam si bamaʾ leboka,

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

2 PETRUS 2:9

Anasa ban eini lebmanaʾ adya eillilemab. Imik Neyung ara alak ella uboka, pe ulumak nim era, sikenek yokaʾ-yokaʾ adya geregoka malya nenelesil sum era, har so blebnamnaʾ ara pe ella ulumla. Dara onoʾ Imik Neyung ara, nimi malya ulumak nim era sidyaʾ daknamla sum ek henga geregoka yana lelewanamna senewoka, ban amba bo unaʾ ara alda ella ulumla.

MATIUS 10:19

Bok ugunuk henga geregoka yana lelewanasab aboka, nimi yana lelesinaʾ ek sam bo binisak dara, ugunda hekaʾ huboka yuba sekdanamna do, yuba harsonya pe sabnamna senen ganya bonaʾ ak sam ara ugunda lok ganya bonggom, mem. Anasemba dara, ugunja yuba sabnemunaʾ damok ara, eleganesin senemlyaʾ sum eleganesululaʾ.

2 TIMOTIUS 3:11

Nak malya uboka saboka oboka, nauba gwekoka igina kwelenyokaʾ anaba seleb ella ululam. Dara nak Antiokhia heikek ab hnon, Ikonium heikek ab hnon, Listra heikek ab hnon, yokaʾ-yokaʾ nidyaʾ ununyok ara, ganya mel-mel aboka siklewoka ulumsaʾ ara ella ululam. Bok, ban unulunyok bok, Wenelesilnya bedya nak nidyaʾ ak ab seleb blebnyok.

1 TIMOTIUS 1:12

Nara nunja Wenelesilnya Yesus Kristus ak perob aboka sob-sobaʾ giblamna. Alda nak aralenululaʾ aboka migiba seleb elegenyok. Wera wa nen wen dara, Paulus bera bojamnya senewoka sekiyinyokaʾ anasa, perob aboka giblamna.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

2 KORINTUS 12:9

Bok Imik Neyung adya dara, ”Anda hmeng ululam danyek, nadya migib era, gobdo nauba dangalamlaʾ anasa, nara anak wanaʾ uboka elekgenaʾ ara seleb nauba ulunggel,” henyok. Nara hmeng ulumna ak an, Kristus adya migibaʾ nak gouluwoka bo ulumnenelaʾ anasa, nara hmeng ulumnenel dara, nonggo alamnamna.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

LUKAS 1:1

Teofilus, perob senenggomnya o! Nimi nauba adya nu gangganek an yokaʾ-yokaʾ nidyaʾ unulumokaʾ ara, pe yana lelewoka bolowoka momnya dobnob senewoka dulumak.

ROMA 15:31

wera anedya, nara Yudea sam bleklemak nang ek ab pe arawoka bo ubnelekanya, onoʾ anedya Yerusalem amba webnamna wa nera, sik munaʾ Imik Neyung mab edya ganya hekoka or senewanok.

2 TIMOTIUS 2:1

Nadya me Timotius o! Kristus Yesus ak pik uboka Imik Neyung adya wanaʾ uboka eleksinaʾ adya, anda migib nongaʾ dangoka ululom.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

2 TIMOTIUS 4:5

Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

TITUS 1:3

Dara wera, perob sum en unuwanamna senemok sum enyek, yuba lelelulaʾ aboka orugomokaʾ adya, laga dangiyimok. Anadya wera, alja yub era, nak an anja lelelom aboka lobongganyok. Dara, nara nunja Imik Neyung bleblesilnya bedya orugonyok yub ek, sunuwoka lero yabalamna.