2 TIMOTIUS 4:14 - PERJANJIAN BARU NALCA YUBA

¹⁴ Ya ab, yokaʾ-yokaʾ ab, selewoka memelelanya Aleksander bera, nak yok-yok malya unaʾ nauba ununyok. Wenelesilnya bedya alba eimik alja unumokaʾ sunuwoka diriganamla.

2 TIMOTIUS 4:14 Խաչաձեւ Հղումներ

1 TIMOTIUS 1:20

Wera unumek nim era, hnonda Himeneus beb, Aleksander beb ulurak an. Dara, ban penya nang era, Imik Neyung si malya nenenaʾ anyek lobdurukaʾ aboka, nadya Satan bek doboka elegeisisa.

2 TESALONIKA 1:6

Imik Neyung nong ak dara, alda perob ok keeboka unululanya bek adya, ugunuk an igin kwel eleklesak nim ek ara, sikbabya lunuwoka igina kweb eleganesil.

WAHYU 18:6

Dara, alja ugunuk unulusukaʾ sunuwoka, onoʾ albabya unuwanalum. Anya alja unulusukaʾ amba dara, anyek ugunsamba beiyisuk sok, onoʾ albabya lunuwoka penya yandara diriganalum.

ROMA 12:19

Hem yabo nadya wanaʾ ulusin nang o, ugunda numbabya nunja diriganamab aboka mel-mel anggom, alda, diriknaʾ ak sam ara nadyaʾ memelamna ak ulumla, aro momnya dobokaʾ ulumla anasa, Imik Neyung adya waboka uruma dogom anaʾ ak eleganalum. Imik Neyung yub wenyalamlaʾ ara, na adya ambabya lunuwanalam aboka yeiriwanamna alamla.

WAHYU 18:20

Hnon kebsenya nera, ”Dara Imik Neyung ara, alja ugunuk unulusukaʾ ara, seleb lunuwoka alba dirigalaʾ anasa, wei, imik heik o, ganya heklom. Wei, munaʾ Imik Neyung mab o, yuba lenaʾ gak nang o, ununumnaʾ len nang o, anera hyak pewal senewoka ganya heksulul!” wenyaboka lebokaʾ ak kebsa.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.

1 YOHANES 5:16

Wera ugun kabo yuba dololanya bedya, alja ban adya somoganggunumso malya unaʾ enyek ubnamlaʾ eibnesom dara, ugunja Imik Neyung ak molowanasom dara, embengaʾ unaʾ ara onsok Imik Neyung adya benyek eleganamla. Ban nenera yuba donaʾ nim edya malya ulumak bok, somoganggunumaknya nenesa lebna. Bok hnon malya unaʾ ak dara, somoknaʾ lanalamla. Ban nenyek dara, nara ugunuk Imik Neyung ak molowolululumaʾ aboka lebnenggubna.

ROMA 2:6

Anasa, Imik Neyung ara, nimi yok-yok, alja unulamlaʾ sunuwoka, gigiwoka diriganesil.

2 TIMOTIUS 4:15

Bera alda nunja lelemab yub enera, bol nenel goklesilaʾ anasa, anda alak pe keeboka ululom.