2 TIMOTIUS 1:14 - PERJANJIAN BARU NALCA YUBA

¹⁴ Nuk ulusil Imik Neyung Geisinya adya anak arawoka, perobaʾ anak elegenjoknya nera, pe beiyiwoka bo diri ululom.

2 TIMOTIUS 1:14 Խաչաձեւ Հղումներ

LUKAS 16:11

Anasa wera, sokok an bonaʾ enyek, ugunda pe bojam uboka wenaʾ orok dara, heknedya dib nong wak sam or weboka bo ulumnelum henesuso do?

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 8:13

Dara, ugunda nimi malya unaʾ ganya ak sunuwoka ulumnelum dara, ugunda eimik era somoganalum. Bok ban Geisinya pik uboka ugunja ganya nong adya unuwounun senelamlaʾ anyek pika garawoka olomnelum dara, ugunda embengaʾ ulumnelum.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

1 KORINTUS 9:17

Imik Neyung yuba lelemna anyek, nabeyok ganya doboka welesinya dara, wera nara eimik era, deknaʾ dobnamna senewanesinya. Bok, nara Imik Neyung yuba lero yabalamnaʾ ara, anjinya anasa unululom aboka lenyokaʾ anasa, Imik Neyung adya welelom aboka oruganyok senewoka welemna ok.

2 KORINTUS 5:16

Ban nenesa leboka, nunda nim ek ella ubnesin aboka, nimi ganya seinilemak sok sununggulumab. Aldib men dara, Kristus amba nimi ganya seininaʾ ak pik uboka sunulumouba bok, wenyek dara, alak anaso sunuwoka seininggulumab.

GALATIA 2:7

Petrus bek Yahudi nim ek perob lero yanggan yuba neklelulaʾ aboka, wa elegemok sok, onoʾ nak dara, Yahudi gom nim ek perob lero yanggan yuba len wa lobongganyokaʾ ak eiyimek.

EPESUS 2:22

Ugunda Kristus ab seleb neikaʾ kwebdangalumaʾ adya, ugunuk onoʾ nimi yok nim eb, Imik Neyung alja un e nenewoka, Imik Neyung ara aljaʾ Geisinya pik uboka, ugun lomok seleb ulusil.

EPESUS 5:18

Nimi ganya uu aboka serema salalesil mek era nauba den dara, nimi malya nenewoka soldelesilaʾ anasa, mek era ganya uu hesilyek aboka denggom, mem. Bok, ugunja ganya era, Imik Neyung Geisinya adya ok deknewoka bo ulusulul.

KOLOSE 4:11

Hnonda Yesus benyek, Yustus aboka silimaknya bedya hnon gibisil. Wera ban winilya nang danyek, seleb bolaʾ garaweisik nang ek, sikinok nadyaʾ hemyabo dangoka, Imik Neyung wenesin heik amba leboka neikaʾ welemabakanya, sikda nadya ganya gwelelek anaʾ nang ulumak.

1 TESALONIKA 5:19

Geisinya unulusilaʾ ara lolongnonggom.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

1 TIMOTIUS 6:20

Timotius o, nidyaʾ anak welelom aboka lenjok wa nera, hyak pe keeboka diri ululom. Anak dara, nimi yok-yok yuba salamakaʾ anyek, perob gomnya nek hnon, malya uboka doluwoka gangganaʾ gok menegoka, si ara el danganaʾ alamak ak ab ganya walabdangoka ululom.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TIMOTIUS 2:2

Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.