2 TESALONIKA 3:8 - PERJANJIAN BARU NALCA YUBA

⁸ Nunda yok nimi denaʾ doboka denemna dara, hnon salyaʾ del lonaʾ ara unuwanggumouba. Alda nimi yok nang ugun gangganek anaba, ganya malya ub elegeibyek aboka, yubyek inimnek pik moruwoka sobaʾ wa yeiriwoka welemouba.

2 TESALONIKA 3:8 Խաչաձեւ Հղումներ

MATIUS 6:11

Nunja sumen denemabnya nek sunuwoka, or doboka elegeisilom.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

RASUL 18:3

Dara wenyek, onoʾ Paulus bera sik nang penya ek biniboka yuba saboka, wera wa anaba neikaʾ ak beiyik soboka malamak e manaʾ enyek, Paulus beneba sonaʾ ella ulumok bok adya, wera anyagan neikik maboka weboka ulumek.

1 TESALONIKA 4:11

Ugunuk seleb wenyamouba sok, namenaʾ ulumnulum. Yok nim edyinya nek doboka salyaʾ makal banggom. Ugunja soruk adya ugun dam nang wa welemnelum.

EPESUS 4:28

Nimi hokaʾ dololenya bera, hoga donaʾ ara wera loblul. Alda bera alja yokaʾ nong ok anyeb, bonaʾ garan ulumak nim ek elegousululaʾ aboka, alja soruk yokaʾ edya perob wa welelul.

1 KORINTUS 4:12

Nunda yokaʾ-yokaʾ dobnobaʾ aboka dara, nunja soruk adya yeiriwoka welemab. Nuk nim adya weil malyaʾ gloksin dara, unuwesin nang ek amba perobaʾ-perobaʾ lelemab. Nuk malya nenewoka obsin dara, obsin nang ek sam siklewoka lolomab.

2 TESALONIKA 3:12

Anasa Wenelesilnya Yesus Kristus alja migib si sibuka, sikda ganya daklinggoka uboka, denaʾ pe eboka deregoka ulunokaʾ aboka, unulululum hyabakanya, wenewasab.

2 KORINTUS 11:9

Wera an wa welesisa sum enyek, nak unuruwaʾ okna ubnyoknya nemba leboka, ugunuk igina kweiyiwanggusisa. Nadya hekaʾ ak doboka bobsinya senesenya nera, nunjaʾ hemyabo Makedonia nimi yeindeboka, pe aralenyek. Nara ugunuk obnebsinyek senewoka pe siklewoka ulumsa sok, eimik eneba al nenyek sobaʾ unulumnamna.

RASUL 20:34

Nadya soruk enedya, wera na nong ak okna ubnenaʾ hnon, nadya hemyab ak okna ubnaʾ hnon welemsaʾ adya, dero ulumoubaʾ ara, ella ululum.

1 KORINTUS 9:4

Nara wa welemnaʾ anasa, denaʾ mekaʾ gwanenga eleganeneseng dara, nera doboka denggunusinya de?

2 KORINTUS 11:27

Nara wa nauba yeiriwoka welemsa dara, hmeng hwam ulunyok, hnon sum hogunga manggulumsa, hnon gwanenga meka bunya malamsa, hnonda gwanenga lol morulamsa, hnonda ongon akleng orok adya saragenaʾ kwelenyok.