2 TESALONIKA 3:6 - PERJANJIAN BARU NALCA YUBA

⁶ Nunjaʾ hemyabo nim o, nunjaʾ Wenelesilnya Yesus Kristus si sibuka ugunuk wenyhenesin, nunja ugunuk neklesab yub ek dib senenaʾ loboka, wa wenaʾ sulmalyaʾ hwam ok ura yabalamak nim era, men mok nenewoka ulululum.

2 TESALONIKA 3:6 Խաչաձեւ Հղումներ

MATIUS 18:17

Wera ban nang enedya anda aldib malya ublum aboka lebnemak bok, bera kebnenggunusil dara, alja malya umlyaʾ ara, Imik Neyung yuba donaʾ nim ek laga lebnelum. Wera onoʾ Imik Neyung yuba donaʾ nim edya, wenewanamak bok, kebnenggunusil dara, alda Imik Neyung ak elgomnya gom, mok soko amba rupiah molowoka doro unya gom, anaso ak ulumla senelemnelum,” hyok.

ROMA 16:17

Bok hem yab o, nara ugunuk wenewanesin, anedya ugun men neksikaʾ doblum yub an, onoʾ yoksonya, nimi ganya bokdanok aboka, ganya sunuwoka doulub meneganasonya nenyek, sik ban unuwanasiseng nang ek pe keebdaboka ulululum. Wera anasa, sikenek pika leiboka ulululum!

1 KORINTUS 11:2

Ugunda nak sobaʾ beklenulumukanya, nadya neklesin yub ek pe sunuwoka unululumaʾ anasa, nara ugunuk perob aboka gigilesin.

1 KORINTUS 5:4

Ugunda Wenelesilnya si Yesus lomok uboka, yuba longowomun dara, nara ganya adya neikik uboka, ugunja nunja Wenelesilnya Yesus migib adya, ban malya unululanya benyek, Iblis bek elegolulum.

1 KORINTUS 5:9

Nadya men beiyisisa momnya donaʾ lomok sam ara lesedya, ”Ugunda gela salanaʾ hwam ok ulumak nang eb dara, neikaʾ hiboka unaʾ ara mem,” amsa.

2 KORINTUS 2:10

Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

KOLOSE 3:17

Dara, ugunja yokaʾ-yokaʾ nidyaʾ, yuba sanaʾ adya gom, soruk adya wenaʾ gom, unuwanalum dara, ban nidyaʾ ara, nunja neyung Imik Neyung ak, al pik uboka perob aboka giboka, nunja Wenelesilnya Yesus bedya si sibuka unulululum.

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

1 TESALONIKA 4:11

Ugunuk seleb wenyamouba sok, namenaʾ ulumnulum. Yok nim edyinya nek doboka salyaʾ makal banggom. Ugunja soruk adya ugun dam nang wa welemnelum.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

2 TESALONIKA 2:15

Hemyabo nim o, wera anasa nunja ugunuk momnya donaʾ pik uboka gom, yuba sibamaʾ adya laga nekesuba yub enyek, pe sekoka salabmoubuka ulululum.

2 TESALONIKA 3:7

Nunda ugun gangganek sam ulumouba dara, wa wenaʾ ara hnon sulmalyaʾ unggulumouba. Anasa ugumbabya nunja wa yeiriwoka welemouba sok, nunja diligaʾ doboka wa moubuka welelulum.

1 TIMOTIUS 5:21

Nunda Imik Neyung hogung ak ab, Yesus Kristus hogung ak ab, weboka dosuk im lero nang hogung ak sam ulumabakanya, nadya nidyaʾ unuwalom aboka oruklenggenya nera, pe unuwalom aboka orugagen. Nenera na nimi yilaʾ gom, nenera perob lok so nimi gom, senewoka dolbalek asaʾ mek so ununggom. Alda al nidyaʾ nim ek neik so perob ok unululom.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

2 TIMOTIUS 3:5

Nim adya eilin dara, sikda yuba doboka pe unulumak nimi senen bok, sikda ganya migib dibaʾ ak dogom aboka lolomak. Ban unulumak nim enyek ara, anda mok nenebdangoka ululom.

2 TIMOTIUS 4:1

Yesus Kristus ara sokok an eikaʾ ulumak nimi hnon, somoklomak nimi hnon, yana lelewosununaʾ aboka yanamla. Dara, alda laga danamlakanya, alda dubnya dangoka wenelemnesilnya nenesa leboka, Imik Neyung saramek sam hnon, Yesus Kristus saramek hnon, ban nenyek unululomaʾ aboka molowagenaʾ ara,

2 YOHANES 1:10

Anasa wera, nimi hnon Kristus adya neknenggusuk yub enyek, ugunuk lero yanggeisija dara, sikenek giboka ugunja ek doro beilinaʾ ara mem.