2 TESALONIKA 3:14 - PERJANJIAN BARU NALCA YUBA

¹⁴ Onoʾ eimik era, hnon nim edya dara, nunja ban momnya donaʾ lomok enyek an lebabnya nera hnon dib senewanggunumak dara, anaso unulumak nim era sikba alya dabsululaʾ aboka, ugunda nim enyek keeboka, sikenek neikaʾ unaʾ hyak mem.

2 TESALONIKA 3:14 Խաչաձեւ Հղումներ

TITUS 3:10

Nimi yuba dolomakaʾ ak doluwoka bokol goklesak nang ek ara, anja ban unululamaʾ ara loblom aboka, li penya unu gorogoka lelelom. Ban nen seleb unuwamen bok dara, anda alab neikaʾ uruma dobdangoka unaʾ ara mem.

1 KORINTUS 5:11

alda nadya lebsenya nera damok ara, ban nenesa lemsa. Alda sondaʾ anasa, nara Imik Neyung yuba donya aldalaladyok, onoʾ gela salanaʾ ganya hnon, hmabaʾ un ganya hnon, bisaʾ ak giboka, yok nanga salyaʾ miniwoka leboka, ganya uu alasil meka deregoka, meka lelewoka hokaʾ donaʾanya ululadyok anasa, ugunublaboka ubmunuk aboka, yuba sekleng sok lemsa. Sikeneb neikaʾ seʾ bukoka denaʾ anaba, hyak mem nong!

2 TESALONIKA 3:6

Nunjaʾ hemyabo nim o, nunjaʾ Wenelesilnya Yesus Kristus si sibuka ugunuk wenyhenesin, nunja ugunuk neklesab yub ek dib senenaʾ loboka, wa wenaʾ sulmalyaʾ hwam ok ura yabalamak nim era, men mok nenewoka ulululum.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

PILEMON 1:21

Ban momnya donaʾ en anak beibgenaʾ ara, nadya unuwanalam aboka molowagenya nera, al or unuwanamlaʾ ara ella ulumnakanya momnya doboka beibgen. Orokaʾ anaba wenyanaʾ oroknya neneba nauba unub lolowanamlaʾ anyaʾ aboka ubna.

2 KORINTUS 10:6

Ugunuk dara, yuba pe keboka unulumun dara, yok bleknemakaʾ nidyaʾ ak ara, nunja igin eleklemnemab.

2 KORINTUS 2:9

Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa.

1 KORINTUS 5:9

Nadya men beiyisisa momnya donaʾ lomok sam ara lesedya, ”Ugunda gela salanaʾ hwam ok ulumak nang eb dara, neikaʾ hiboka unaʾ ara mem,” amsa.

ROMA 16:17

Bok hem yab o, nara ugunuk wenewanesin, anedya ugun men neksikaʾ doblum yub an, onoʾ yoksonya, nimi ganya bokdanok aboka, ganya sunuwoka doulub meneganasonya nenyek, sik ban unuwanasiseng nang ek pe keebdaboka ulululum. Wera anasa, sikenek pika leiboka ulululum!

MATIUS 18:17

Wera ban nang enedya anda aldib malya ublum aboka lebnemak bok, bera kebnenggunusil dara, alja malya umlyaʾ ara, Imik Neyung yuba donaʾ nim ek laga lebnelum. Wera onoʾ Imik Neyung yuba donaʾ nim edya, wenewanamak bok, kebnenggunusil dara, alda Imik Neyung ak elgomnya gom, mok soko amba rupiah molowoka doro unya gom, anaso ak ulumla senelemnelum,” hyok.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

2 KORINTUS 7:15

Dara, Titus bedya, alak e yeililumukanya, ugunda lok ganya boboka alja yuba pe keboka unulumaʾ anyek, alja anyek bekoka ugunuk hyak nauba wanaʾ ulusil.

1 KORINTUS 4:14

Nara ban wenyaboka ugunuk momnya dobsinaʾ ara, ugunuk alya dabsululaʾ aboka ubnenggubsin bok, ugunda nadya mab eneso ululumaʾ anasa, wenesin danasa lebsin.

KOLOSE 4:16

Anasa ban ugunuk beisab surat en ugun einibgogowomun dara, onoʾ sik Laodikia sam yuba donaʾ nim ek hnon einiwanok aboka beibnelum. Anya sik Laodikia nim emba beiyimabnya neneba, ugunda hnon einiwanalum.

TITUS 2:8

Anadya anak malya senelenjak nang era, nunja malya unaʾ hnon ununaʾ orok adya nuk mininaʾ yuba okna anasa, sikda alya dabsulul aboka, nim adya si malya danganggulumla yuba damok enyek, pe geremsengaʾ lanawanamlya yuba damok enyek neklesilom.

2 YOHANES 1:10

Anasa wera, nimi hnon Kristus adya neknenggusuk yub enyek, ugunuk lero yanggeisija dara, sikenek giboka ugunja ek doro beilinaʾ ara mem.