2 TESALONIKA 3:13 - PERJANJIAN BARU NALCA YUBA

¹³ Bok neik perobaʾ ok sobaʾ unubgiga balamabaʾ lek ganya bonaʾ ara hyak mem.

2 TESALONIKA 3:13 Խաչաձեւ Հղումներ

IBRANI 12:3

Dara ugunda hmenga dangoka ganya obdoumunuk aboka, alda al nong anyek malya unaʾ nim ek ab derenaʾ anyek or wenyalanenok senewoka doboknya bek, anyek hyak sobaʾ beklelulum.

2 KORINTUS 4:1

Imik Neyung adya nuk angoo yadyek senewoka namen ubsukaʾ adya, ban wa nenera doboka welemab. Nenesa leboka, nunda okna bar aboka hmeng ganya bonggulumab.

2 KORINTUS 4:16

Ban anasa, nunda okna bar aboka hmeng ganya boboka unggulumab. Aldib nunja eilibik bokaʾ ak dara, blobgiga balalabok, ganya lomok ak dara, li sob-soba migib nenebgiga balasil.

WAHYU 2:3

Anda nadya si amba leboka, igina kwelesilaʾ anaba siklewoka ululumukanya, hmengaʾ danggiga banggululam.”

IBRANI 12:5

Wera ugunuk wenesin yub enyek, mek mab ek weneleng sok lelemla yub era, ”Wei, najab o, anda Imik Neyung adya nekoka wenelenggelaʾ ara dolbalekaʾ senenggom mem. Anya, alja omoma leboka wenyalanggel dara, anda ganya oldanggom, mem.

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

PILIPI 1:9

Wera nadya ugunsamba mololosinaʾ ara ban: Ugunda perobnya nek ella danganaʾ ab geremseng unaʾ ab dara, nauba danggiga balasilyekanya, Imik Neyung ak hnon, nim ak hnon, nauba wanaʾ ubgiga balalulumaʾ aboka, mololesin.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

1 KORINTUS 15:28

Imik Neyung nong anyek, nidyaʾ yokaʾ-yokaʾ ara, aljinya nok dolulaʾ aboka, Kristus ara albabya, Imik Neyung adya yokaʾ-yokaʾ nidyaʾ ara, alja damumduk seleb nenewalya dara, wera Kristus adya al damnya ara Imik Neyung damumduk nenebdanamla. Dara Imik Neyung adya albeyok nidyaʾ wenewoka bo ulumnesil.

2 TESALONIKA 3:15

Bok anja dara, alak ara isaʾ nang dibaʾ anaso geboka ubnenggunulam bok, alda anja weisab eneso uboka wenelelom.