2 TESALONIKA 2:13 - PERJANJIAN BARU NALCA YUBA

¹³ Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

2 TESALONIKA 2:13 Խաչաձեւ Հղումներ

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

1 TESALONIKA 5:9

Imik Neyung ara yu ganya boboka obsununaʾ aboka dobnenggusuk, nunja Wenelesilnya Yesus Kristus adya dib blebsululaʾ aboka dosuk.

1 TESALONIKA 1:4

Imik Neyung adya wanaʾ ulusil hemyab o, Imik Neyung adya ugunuk weboka dosukaʾ ara ella ulumab.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

ROMA 9:11

Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok, ”Men karob so me nera goubenya so me nedya wa wenya danamla.” Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok.

RASUL 13:48

Yahudi gom nim era, Paulus bedya ban wenyaboka lelemok anyek kemek dara, eiya uboka, Imik Neyung yub ak gigiwoka eiya hlalamek. Wera onoʾ, Imik Neyung adya embengaʾ unaʾ dobnemak senewoka orowek seiniwoka gegemok nimi nidyaʾ era, Imik Neyung yub ak dib senewoka domek.

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

2 TESALONIKA 2:12

Wera ban unulumeija damok enedya, nimi nauba malya unaʾ ak perob senewoka, dib yub ak dib senenggulumeija nim era igina boyiwanesil.

EPESUS 2:8

Imik Neyung ara ugunuk wanaʾ uboka eleksinaʾ anasa leboka, ugunda Yesus ak dib senewoka doblumaʾ adya, ugunuk dib blebsuk. An blebsukaʾ ara, ugunja ununaʾ edya dobnenggublum. Anara Imik Neyung adya ok elek loboka blebsuk. Anaso ubsuk bok dara, nimi hnon ara nabeyok dobsa aboka nonggo henggunumso.

1 YOHANES 4:19

Imik Neyung adya youmaʾ enyek nuk men wanaʾ ulusukaʾ anasa, nunda wenera wanaʾ ulumab.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

KOLOSE 1:5

Ban dib senenaʾ hnon wanaʾ unaʾ hnon ara, imik heikek ugunsamba beillilisilaʾ ak ganya welelumaʾ ak ab lanalamla. Ban ganya wenaʾ ara, ugunda men dib nong yuba kelum adya ella dangalum. Ban perob lero yanggan yub ara,

GALATIA 3:1

Galatia nim o, ugunda dongdang anaʾ hwam nim ek ululum! Ugun din hengek Yesus Kristus gal dubuk oboka glamekaʾ ara, ugunuk laga neksisa bok anasa, hek nang edya geregoka bobneneweisik do?

RASUL 15:9

Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

IBRANI 1:10

Dara onoʾ Imik Neyung adya hnon lebokaʾ ara, ”Wei, Wenelesilimnya o, men dara, soko nidyaʾ ara anja uyiwoka, onoʾ im anaba ambeyok uyiwoulum.

2 TIMOTIUS 3:15

Anda hyak mekewek moruwoka, Imik Neyung geisa yuba seleb ella ululamaʾ nong anyek, pe seiniwanalam. Wera ban Imik Neyung yuba buku nong enedya Yesus Kristus pik uboka yuba dib senelemak adya embeng unaʾ dolomakaʾ ara, ella ululamaʾ anasa, pe salabmouboka ululom.

2 TIMOTIUS 2:15

Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.

2 TESALONIKA 2:10

Bisaʾ migib anadya ok, yok nimi gong dara, nauba malya nenewanasil. Dara, nauba Imik Neyung adyaʾ perob unaʾ ak wanaʾ uboka donaʾ ara lek aboka, blekoka perob senenggulumakaʾ anasa, somoganamak.

ROMA 8:33

Imik Neyung adya weboka dobsuk nang era, heknedya yuba saawanamla? Imik Neyung adya sikenek perobaʾ nenewok nang ek heknedya sikenek igina eleganasil?

ROMA 6:17

Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 1:1

Hyak men youbuka, nidyaʾ uyiwanggom bok, yub ara seleb ulumok. Yub ara, Imik Neyung ablaboka ulureekanya, yub ara Imik Neyung ulumok.

LUKAS 1:75

Nera aljaʾ saramek ara nunda geisa uboka, pe ulunokaʾ aboka, unuweisil.

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

1 TESALONIKA 4:7

Imik Neyung ara malya ulunokaʾ aboka youbnenggusuk, geisa ulunokaʾ aboka youbsukaʾ anasa, ban anaso unggom.