2 TESALONIKA 1:8 - PERJANJIAN BARU NALCA YUBA

⁸ dara alda imik ab uk bokaʾ nang penya yeiniboka, nimi nidyaʾ Imik Neyung yuba ganya dibla henggonggom uboka, Imik Neyung adya perob lero yanggan yuba lelesilaʾ sunuwoka unggulumak nim ek ara, obnesil.

2 TESALONIKA 1:8 Խաչաձեւ Հղումներ

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

MATIUS 25:46

Dara ban malya unulumek nim era, sobaʾ oka deregoka gweknaʾ ulmoubnaʾ heik ak weknamak bok, alda Imik Neyung ak pelemak nim era, embengaʾ ulmoublemnemak heikek wekel binimak,” aboka Yesus adya wenyhusuk.

YOHANES 3:19

”Imik Neyung adya yana kilisilaʾ damok ara ban: Dilinaʾ ara sokok an seleb yok bok, nim ara sikja unulumakaʾ anyek malya nong anasa, gunaʾ ak sam anyek perob so senelemak.

YOHANES 8:19

Parisi nang edya alak, ”Anjaʾ neyung bera hanyagar ulumla do?” aboka heimek. Dara alja dara, ”Nunda penya nidyaʾ ugunja dara, elgom ulusulum. Ugunda nak ella ubnesom dara, wera nadyaʾ neyung anaba ella ubnesom,” hyok.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 10:16

Bok ban perob lero yanggan yub era nimi nidyaʾ ara seleb dobnenggurub. Anasa Yesaya bera alja anaso wenyalamok, ”Wenelesilimnya o, heknedya nunja an wenyalamab yub era ganya aldib senewanamla do?”

ROMA 15:18

Dara nara yok yub emba dara, asa ganya boboka wenyaro yibinggunumna, bok Kristus ara yok mok soko nimi pe keboka ununaʾ ak bo balalul senewoka, yub sanaʾ pik ab, laga ununaʾ pik ab,

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

ROMA 6:16

Ugunda hnonnya bek biniboka, nara anja wa wenya danamna aboka bo elegeldal balalum dara, ugun nong ara ban benedya wa wenya dangoka, alja yuba pe keboka unululum ara, ugunda anam elgom ululum de? Anasa, ugunda malya unaʾ ak elegel dalalum dara, somoknaʾ ak bo balenggel. Bok pe keboka ununaʾ ak elegel dalalum dara, perobaʾ nenenaʾ ak bo balenggel.

1 KORINTUS 15:34

Ugunda wen eibkweblulum. Hnon sounuwoka malya ul soununaʾ ara hyak mem. Ugun gangganek sam ara, Imik Neyung yuba elgom nimi hnon ulumakaʾ anasa, ugunda alya ganya bobnesom.

2 KORINTUS 10:5

Imik Neyung ak ella danganaʾ anyek, malya nenewanobaʾ aboka imik neneldalalanya nidyaʾ golol meneklemab. Nunda yok-yok seininaʾ lanalamlaʾ nidyaʾ ara, Kristus senelamlaʾ ak bo beil balamab.

GALATIA 3:1

Galatia nim o, ugunda dongdang anaʾ hwam nim ek ululum! Ugun din hengek Yesus Kristus gal dubuk oboka glamekaʾ ara, ugunuk laga neksisa bok anasa, hek nang edya geregoka bobneneweisik do?

GALATIA 4:8

Youmaʾ ugunda Imik Neyung ak elgom ululum salek era, Imik Neyung be dibaʾ ak gom, alda yokaʾ anyek nunjaʾ neyung nenewoka, ugun nong ara anyagan ganya diboka ululum.

IBRANI 10:27

Sene sobaʾ malya ubdidiganamab dara, Imik Neyung ara yana lelewoka, alak isaʾ nenelemak nim ek uka dabnesil senenaʾ ak ok hnonok ulumla.

IBRANI 10:30

”Nadya eimik dirigoka obnamna! Nadya malya nenewoka obnamna!” anya hnon leleladya, ”Wenelesilnya bedya alja mabo yana lelewanamla,” alalanya bera nunda seleb ella ulumab.

IBRANI 11:8

Dara Abraham bera ganya dib senenaʾ adya, alda yok mok soko aljaʾ misaʾ danamok sokok sam binilam aboka ebok dara, alda hek mok balamnaʾ ara elgomaʾ anyek pe keboka lanawoka byuk.

IBRANI 12:29

Nera nunja Imik Neyung era, momnyanga wouluwoka delemla uk ek ulumlaʾ anasa, unu giblenob.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

1 PETRUS 3:6

Dara Sara geneba neik so unulumok, alja nenya Abraham bedya yuba pe keboka, alja nenya emba dara, nadyaʾ neyung alamok. Ugun wenyek gelewa era, ugunda perobnya nenyek unuwoka ulumun dara, yokaʾ-yokaʾ ak ara lok ganya bobnenggubmun dara, ugunda Sara gedya gel mab ek ulumnulum.

1 PETRUS 4:17

Imik Neyung adya sokok an yana lelewanamla hyok salek era, wera seleb ubnabla. Imik Neyung mab ulumak nim enyek men yana lelewanasil. Dara, Imik Neyung nu alja mab ulumab nim enyek men yana leleb einiwanasil dara, Imik Neyung adyaʾ perob lero yanggan yub ek dib senewoka donggulumak nim ek ara hekaʾ hubnamla do?

2 PETRUS 3:7

Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.

YUDAS 1:7

Youmaʾ Sodom heik ab, Gomora heik ab, ok berem heik eb hnon ara, neikso malya ulumek. Sikda gela salawoka, anasoʾ malya unaʾ gong mandebnaʾ unuru yabalemekaʾ amba leboka, Imik Neyung adya singilmorulamla uk edya lobaʾ nenewoka obsukaʾ ara, anera beknaʾ dibaʾ ulumla.

WAHYU 20:10

sikenek nauba sondaʾ leboka malya nenelesuk bisaʾ dubnya Iblis ara, sobaʾ singilamla uk mek gwanek doboka doronggok. Wera anyaganera, men dara, yu nongaʾ ab, sonda leboka bob nenesuknya beb, doronggousuk. Dara sikda anyeganera, inimnek yubyek pik, malya nenewoka nauba sobaʾ gwekelmorulumnemak.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.