2 TESALONIKA 1:10 - PERJANJIAN BARU NALCA YUBA

¹⁰ Ban nidyaʾ ara, Imik Neyung ak dib senelemak nim edya gibnunaʾ aboka hnon, onoʾ alja munaʾ Imik Neyung mab edya nak gibnenokaʾ aboka yanamla sum era, ugunda nunja bo yeilimouba yub ek dib senewoka dolumaʾ anasa, yok nim unuwanamakaʾ gangganek sam ugumbabya ulumnelum sum enyek, nidyaʾ gigiwoka unuwanamla.

2 TESALONIKA 1:10 Խաչաձեւ Հղումներ

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.

1 KORINTUS 3:13

Nimi nidyaʾ elaʾ gigiro solomak e nera, Kristus yanamla sum era, nidyaʾ damoka laga nenewanamla. Dara, nimi nidyaʾ sikja wa nera, pe wemek gom, malya uboka wemek gom ara, Wenelesilnya Kristus yanamla sum enyek, ara uk adya sunuwanasil.

YOHANES 17:10

Nidyaʾ yokaʾ-yokaʾ narinya nera anjinya ulumlakanya, anjinya neneba narinya ulumla. Anasa leboka, sik nong adya nadya si imik dal.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

1 KORINTUS 1:6

Wera Kristus ak laga danganaʾ anyek yarenga elegoka mel-mel asuk.

2 TIMOTIUS 1:18

Dara onoʾ, al Onesiporus bera, na Epesus heikek ulumsa dara, alda hyak nak nauba aralenyokaʾ ara, anda pe ella ululam. Anya wera benyek anasa, Wenelesilnya bedya nimi nidyaʾ sokok an yana lelewanasil sum era, alak angoo yadyek senewoka arawanamla.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TESALONIKA 1:12

Wera ban nenyek unulumunaʾ adya, wera nunjaʾ Wenelesilnya Yesus ara si imik nenewanalumukanya, onoʾ nunjaʾ Wenelesilnya Imik Neyung adyaʾ aljaʾ wanaʾ uboka eleksinaʾ sunuwoka, nunjaʾ Wenelesilnya Yesus Kristus adya ugunja si neneba imik nenewanasil aboka mololesab.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

1 TESALONIKA 2:1

Na kabo nim o! Ugunuk seʾ yeilimoubaʾ ara, salyaʾ lelem danggumokaʾ ara, ugunda ella ululum.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

EPESUS 3:10

Imik Neyung adya seinimoknya nera, wenera yuba donaʾ nimi pik uboka, imik sam wenewoka bo usin nang, senenggom dub nang ulumakaʾ ara, Imik Neyung adyaʾ hyak senenggomaʾ yok-yok geremsenga boboka, wa welemlaʾ anyek ella danokaʾ aboka seinimok.

EPESUS 2:7

Ban unuwosuknya nera, eimik enyek, Imik Neyung ara alja wanaʾ uboka eleksinaʾ ara hyak senenggomaʾ ulumla beknaʾ eibnokaʾ aboka ubsuk. Alda Kristus Yesus pik uboka nuk wanaʾ ubsukaʾ ak eibnokaʾ aboka ubsuk.

EPESUS 1:14

Imik Neyung adya alja mab ek eleganasin amokaʾ dib dobnemak senen beknaʾ dibaʾ ara ban Geisinya lomok ulusilaʾ adya ulusil. Alda beknaʾ ulmorulusilaʾ ara, eimik Imik Neyung adya munaʾ dekoka dobsuk. Ban nenesa, Imik Neyung bek giblenob.

EPESUS 1:12

Nunda Kristus ak men dib senewoka, ganya weboka ulumab nim era, Imik Neyung adya hyak senenggomaʾ lok soʾ unuwousuknya nenesa leboka, anya alja gibeldonaʾ danokaʾ aboka weboka dobsuk.

EPESUS 1:6

Aljaʾ wanaʾ nong ulumok me Kristus pik uboka, nuk aljaʾ senenggomaʾ wanaʾ uboka elegousukaʾ anasa, Imik Neyung imik ululanya bek giblenob.

GALATIA 1:24

Dara sikda nasamba leboka, Imik Neyung ak perob aboka giblemek.

YOHANES 11:4

Wera Yesus adya Lazarus be neiklamla an yuba kebok dara, ”Ban neiklamla neiknaʾ edya dara, somoknaʾ damoka lanawanggunulabok, Imik Neyung si imik nenen damba ban unulamlaʾ adya, al dam nang si imik nenewoka, onoʾ al neiknya Imik Neyung bedya alja me nedya si hnon imik nenewanokaʾ aboka ulumla,” hyok.

LUKAS 10:12

Wera, ugunuk lebsin. Soko sidyaʾ daknamla sum era, Sodom nim ek dara, malya unaʾ amba mek so obnesil bok, ban sikja unuwanamak heik nim malya unaʾ amba nauba so obnesil,” hyok.

MATIUS 25:31

”Nimi dibaʾ me alja nong senedyaʾ gebman yanggalya sum era, alja lero nanga nidyaʾ ara akneb ganagoka yanamlakanya, aljaʾ perob ekla bunaʾ ak sam dubnya senenggomnya geknebaʾ dangoka bulumnamla.

MATIUS 24:36

”Hek sum ek, hek jam ek Yesus yanggan sum era, imik heikek ulumak lero nang eneba elgom, Imik Neyung bedya me neneba elgom, alda Imik Neyung ok hnonok albeyokaʾ ella ulumla.

MATIUS 7:22

Soko sidyaʾ daknamla sum era, nimi nauba nak yeiniboka, Wenelesilimnya o, Wenelesilimnya o, neyung anja si sibuka ununumnaʾ lenggulumouba de? Anya, Neyung o, Wenelesilimnya bedya si sibuka bisaʾ nauba yakoka, yokaʾ-yokaʾ lok so migib ununaʾ ara ununggulumouba de, wenyhenemak.

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.