2 PETRUS 3:15 - PERJANJIAN BARU NALCA YUBA

¹⁵ Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.

2 PETRUS 3:15 Խաչաձեւ Հղումներ

ROMA 2:4

Anasa anda aljaʾ heknaʾ ganya ab, aljaʾ or malye senewoka diri usin ganya ab, aljaʾ sangarob ganya ab danera, wera dolbalek so senelelam de? Dara ban Imik Neyung adyaʾ heknaʾ ganya anera, anak ganya dangawoka yuba donaʾ ak bo balenggelaʾ ara, anda elgom ululam de?

2 PETRUS 3:9

Nim adya dara, Imik Neyung adya unu eleganesin hyokaʾ hnon mandelemla senen ganya bolomak bok, alda anaso ununggulumla. Bok Imik Neyung ara, ugunuk hnon somogeijek senelamlaʾ anasa, or anam siklewoka ulumla. Imik Neyung adya dara, nimi nidyaʾ malya unaʾ loboka, eibkweboka ganya dangawanok senelesil.

1 TIMOTIUS 1:16

Bok ban nak malya unaʾanya bek an ununyoknya nera, Yesus Kristus adya nim ek angoo yadyek senewoka arasinaʾ anyek aawosululaʾ aboka nak unyok. Nak dara, hyak malya unaʾ hwamnya ulusebok anasa, Imik Neyung ak dib senewoka embengaʾ unaʾ dobnemak nim enyek eiyiwoka unuwanokaʾ aboka, nak men ununyok.

1 PETRUS 3:20

Nera Nuh be ulumok salek, Imik Neyung ak keboka ununggulumek nim ek lel elegel byuk. Ban salek era Nuh bera anam mek ekla bunaʾ e solomok dara, Imik Neyung ara or siklewoka diri ulumokaʾ ara, seleb sobdakok sum era, nimi nidyaʾ seleb gobdo somogek bok, nimi linbadya nim ok blebsuk.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

YAKOBUS 1:5

Nimi ben hnon ugun gangganek an mek geremseng ululenya hnon ulumlya dara, Imik Neyung ara, salyaʾ wanggulusilnya bek anasa, heknaʾ uboka, geremseng unaʾ ara nimi nidyaʾ eleklesilnya bek anasa, Imik Neyung ak molowalya dara, alak geremseng eleganemla.

RASUL 15:25

Anasa wera nenesa leboka, nunda anyagan ara yuba longowoka nauba saboka, wera perob or unuwanamab amabakanya, ugunuk sam nimi wenen nang bokol binimab aboka umab. Dara, ugunuk binilum hibya nang era, nunja wanaʾ ulusab nang Paulus beb, Barnabas beb yanggeirija dara, neikaʾ binok senewoka unumab.

1 KORINTUS 2:13

Anasa wera, nunda yok-yok Imik Neyung yub era, Geisinya aralesilaʾ adya sunuwoka lelemab. Dara, nim adya ella dangalamak ganya seininaʾ geremseng enyek lenggulumab bok, Imik Neyung Geisinya nuk neklesilnya nenyek lel eleklemab.

EPESUS 3:3

Imik Neyung adyaʾ unuwanamna senewoka men doknomokaʾ ara, nak an seleb laga nenewoka eleganyok. Damok era, men eini sam mekaʾ momnya doboka beiyisinaʾ ara ella ublum.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

RASUL 7:10

onoʾ Imik Neyung adya Yusuf bek yokaʾ-yokaʾ igina kwelemok bok alak bleboka sekiyimok. Dara, Yusuf bek Imik Neyung adya geremseng unaʾ ab, ganya pe seininaʾ ab, elegemok dara, wera anadya eimik Yusuf bera Firaun bek yuba sabnom aboka byuk sum era pe lebok dara, Firaun bedya perob senewoka alak Mesir soko dubnya sekiyiwoka, Firaun bedya senenggom e ab, yokaʾ-yokaʾ welemokaʾ nidyaʾ ab ara Yusuf bek elegemok.

RASUL 9:17

Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

2 PETRUS 3:2

Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.