2 PETRUS 1:8 - PERJANJIAN BARU NALCA YUBA

⁸ Ban nidyaʾ lebna ganya era, ugunja unuwanasomaʾ ara an. Anasa ban lebna unaʾ ganya en diligaʾ doboka nauba danggiga balasilya dara, nunjaʾ Wenelesilnya Yesus Kristus ak anaba hyak pe ganya olowoka ella danalumaʾ ak dara, ugunda yeiriwoka wa weboka pewanalum.

2 PETRUS 1:8 Խաչաձեւ Հղումներ

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 20:3

Dara onoʾ wa damnya bera, gwelek sirigoka dukduk henemok sab-sab, deknaʾ gasaʾ pik nimi hnon salyaʾ pelemek ak eibsuk.

MATIUS 20:6

Dara onoʾ, bles henemok salek benera yibiniboka kemelemok enyek, nimi hnon wa wenaʾ orokaʾ anyek, salyaʾ pelemek nim hnon eibsuk. Anya sikenek, ugunda yokaʾ-yokaʾ ununaʾ orokaʾ anyek, hekasa anyagan anyek ok pelelum do, aboka heibsuk.

MATIUS 25:26

Dara rupiah en damnya bedya rupiah doknomoknya bek an lebokaʾ ara, Anda hyak sulmalyaʾ hwam uboka, yu nongnya bek ululam! Anda nak ara, nadya yinaʾ doknenggumnaʾ ak ab daklamnaʾ hnon, hnonda nadya yokaʾ weboka, mebnenggumnaʾ ak ab nong dolomnaʾ ak okoka eillilenelem de?

YOHANES 15:2

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 5:42

Bok, ugunuk ella ulusin. Ugunda Imik Neyung ak ugunja ganya edya wanaʾ unggululum ara, nara ella ulusin.

ROMA 12:11

Anjaʾ yeng ganya era hmenga dalyek, alda anja ganya era laga senedyaʾ boloklamlyekanya, Imik Neyung ak welelom.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

2 KORINTUS 13:5

Ugunda Kristus ak ganya ologoka dib senelum gom aboka, ugunda hnonok-hnonok sunuldalalulum. Ugunda dib senelemun bok dara, Kristus Yesus ara ugunja ganya lomok ulusilaʾ ara, ugunda elgom de? Unggulusilya dara, sununaʾ ak sokol lololum.

2 KORINTUS 8:2

Sikenek hyak yok-yok senenggom igina kwelesukaʾ anaba, sikda nauba ei-ei ganya boboka heknaʾ ganya uboka, sikda hyak bonaʾ garan ulumekjok, yok nim ek nauba arawanamab senen ganya bolomek.

2 KORINTUS 8:7

Anasa wenyek dara, ugunda yokaʾ-yokaʾ pe unululumaʾ yak nim ululum. Yuba dib senenaʾ hnon, perob yuba sanaʾ hnon, perobaʾ ella danganaʾ ak hnon, ganya gouluwoka aranaʾ ak hnon, nuk sam wanaʾ ulusulumaʾ hnon, ban nidyaʾ pelelumaʾ anasa, an yok nim ek aranaʾ anaba hyak nauba perobnya nedya unulululum.

2 KORINTUS 9:14

Dara Imik Neyung adya ugunuk perobaʾ unulusilnya nenesa leboka, sikda ugunuk wanaʾ uboka Imik Neyung ak mololomnasak.

PILIPI 1:9

Wera nadya ugunsamba mololosinaʾ ara ban: Ugunda perobnya nek ella danganaʾ ab geremseng unaʾ ab dara, nauba danggiga balasilyekanya, Imik Neyung ak hnon, nim ak hnon, nauba wanaʾ ubgiga balalulumaʾ aboka, mololesin.

PILIPI 2:5

Ugunda Yesus Kristus adya bobok ganya enyek boboka ulumnulumaʾ ara,

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

KOLOSE 2:7

Hnonda ugunda alak yareng elegoka, onoʾ al ab migib danggiga balalulum. Anya ugunja dib senenaʾ ganya ara, ugunuk nekesikaʾ sunuwoka, migibaʾ nenewoka, eiyasaʾ sobaʾ gibildolunun ganya hogung enyek sobaʾ boro balalulum.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

1 TESALONIKA 3:12

Wenelesilnya bedya migib edya, nunja ugunuk wanaʾ ulusab sok, ugun moumen wanaʾ nauba ubdangoka, anya onoʾ nimi yok nim ek wanaʾ ubgiga balamunaʾ adya, wera anadya ugunja wanaʾ unaʾ nauba danggiga balalul senelemab.

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

1 TIMOTIUS 5:13

Onoʾ hnonda nenyek ok gom, alda hnonda neikaʾ ak uldabnaʾ loboka, nim edya ek sam wele goluga unaʾ anasa, loblom. Hyak nauba omomaʾ loksonya nera, yuba miniwoka bol giriknaʾ hnon, yub era sabnenggom yuba bok, meka lelewoka len yuba hnon, yok nim ek bera unulamla aboka salyaʾ hmouna doboka sal giriknaʾ yuba hnon lelemak. Sikenek nera ugunja unuwanalum anaʾ orok wa bok, sikjok salyaʾ welemak.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

PILEMON 1:6

Nadya heng uboka mololenanya nera, nunda seleb Kristus ab neikaʾ kwebdangamoubnya nenyek, nunda yuba dib dolomab nimi geknebaʾ uboka, yuba doboka Kristus lomok ulumabaʾ adya ulusilaʾ anyek pe ella ublulumaʾ aboka mololosin.

IBRANI 6:12

Nunja dara, ugunda sulmalyaʾ ganya bonaʾ ara mem. Nim Imik Neyung adya eleganesin amokaʾ ak dib senewoka, ganya siklewoka pe diri ulumeekanya domek nim ek ulumek sok, ugumbabya sik diligaʾ diliwoka pe ulululum senelemab.

2 PETRUS 1:2

Ugunda nunjaʾ Wenelesilnya Yesus ak hnon, Imik Neyung ak hnon, ella ululumaʾ adya, ugunuk nimi pe unaʾ ab, aljaʾ perob eleknaʾ ab dara, ugunuk nauba danggiga balasulul.

2 PETRUS 1:3

Imik Neyung adya aljaʾ senenggom migib edya ongowoka, yokaʾ-yokaʾ nidyaʾ ara, yuba doboka pe ulunokaʾ aboka nuk seleb elegosuk. Imik Neyung adya ban unuwosuknya nera, aljaʾ senenggom migib eb perob unaʾ ab danyek, boboka ulunokaʾ aboka, youbusuknya bek ella dangamoubaʾ adya ubsuk.

2 PETRUS 2:20

Nunjaʾ Wenelesilnya uboka, nimi blebsinaʾ dubnya Yesus Kristus adya nimi malya nenelesil sokok ab seleb bleboka dobsuk bok, onoʾ eimik saawoka henga weboka youlesil dara, wera unuwanya bera men dara or pe ulunabok, eimik era hyak gobdo malya dangalamla.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.