2 PETRUS 1:19 - PERJANJIAN BARU NALCA YUBA

¹⁹ Ban nong anyek eiyiwoka, Imik Neyung adyaʾ nidyaʾ ununumnaʾ lelemek nang edya lemekaʾ ara gobdo dib senelemab. Dara, ban yub era, wesaʾ ak gunaʾ ak yeblamlaʾ anaso ulumlaʾ anasa, ugunja ganya lomok ara heng anam dorogol yabanaʾ anaso uboka, onoʾ yali sam ololaʾ anam yebnenggulumla salek enyek, ugunda ban wesaʾ enyek an pe keeboka sunuwoka ulumnelum aboka lebsin.

2 PETRUS 1:19 Խաչաձեւ Հղումներ

MATIUS 4:16

Gunaʾ lomok sam ulumak nim edya, perob dilinaʾ yeblaʾ ara eibak! Nimi somoklomakaʾ ak sokok sam ulumak nim era dilinaʾ welera seklaʾ ak eibak!” amoknya nenyek gigiwok.

YOHANES 5:35

Yohanes Pembaptis bek, alda wesaʾ yebnaʾ dibaʾ ulumok. Dara alda yeblemok salek era, li hnonok perob senelum.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

RASUL 15:29

Ugunda bisaʾ ak geklewoka hweboka beibija denaʾ masa era doboka denggom mem. Dara onoʾ, yokaʾ eneng ara salyaʾ denggom mem, nonga heiboka somogalya wininga manaʾ salyaʾ denggom, mem. Dara onoʾ, hnon gela salaldanaʾ ak, ugunda mok sam geboka ulululum. Ugunda ban nidyaʾ lebabnya danyek nidyaʾ mok sam geboka ulumun dara, wera hyak pelemunaʾ ara an. Seleb lebab, perob e,” wenyaboka momnya doboka beibek.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

IBRANI 2:2

Dara, lero nang pik uboka, dib yuba leb elegeisikaʾ ara, pe kenaʾ orok uboka bleklemek nim era, unulumekaʾ sunuwoka iginaʾ dolomek dara,

YAKOBUS 2:8

Ugunja jongnya nenyek nim ek unulumun dara, wera nera ugunda unuwanalum an yuba momnya dobokaʾ ara, ”Andamnya wanaʾ uldalalam sok, an kabo nim ek wanaʾ ululom,” hyok yub ek sunuwoka unuro perob ok unululumaʾ ara an.

1 PETRUS 1:10

Ban ugunja ganya blebsinaʾ nong anasa leboka, youmaʾ ununumnaʾ len nang era ella ubsibya senewoka eboka dulumek. Hnonda ugunja ganya blebnesilaʾ anyek, sikda orowek lelemek.

1 YOHANES 5:10

Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.

3 YOHANES 1:6

Anja wanaʾ uboka wa bojam welelamaʾ ara, nun an yuba donaʾ nim ek an seleb unulamla aboka laga nekesik. Anda sik balamak pik pe arawoka bo balasilimaʾ anadya, Imik Neyung ganya sangab elegolulaʾ aboka lebna.

WAHYU 2:28

Dara, nara alak yale sam guraʾ ak eleganamna.”

WAHYU 22:16

”Dara, nara Yesus adya, nadya yuba donaʾ nim enyek kebnokaʾ aboka, ban nidyaʾ unuwanamlaʾ yub era, wenyaro bijebok aboka, nadya lero bek orugamsa. Na benyek Daud nang yilaʾ uboka, onoʾ yali sam yeblamla eleb-alab arob ololaʾ ulumna,” hyok.