2 PETRUS 1:17 - PERJANJIAN BARU NALCA YUBA

¹⁷ Imik Neyung adya Yesus ak giboka imik nenewokaʾ ara, numba ok ulumoub bok ubok. Ban sum imik senenggom heikek ab yuba kebubaʾ ara, ”Nadya wanaʾ ulumna me nera ban. Alja nadya ganya hekel eleklenel!” hyok.

2 PETRUS 1:17 Խաչաձեւ Հղումներ

MATIUS 12:18

Momnya dobokaʾ ara, ”Nadya weboka doboka bokol bilimsa me nera an. Nadya alak wanaʾ ulumnakanya, alja nadya ganya hekel eleklenel. Nadyaʾ ganya era alak gologanamlakanya, jong unaʾ damok ara, alja yok-yok mok soko nim ek lero binimla.

MATIUS 17:3

Wera unumok sab-sab, Musa beb Elia beb laga dangarek dara, Yesus ab, sikda penya nang eb neikaʾ yuba salamek.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

MARKUS 1:11

Danyek, imik heik ab yub era, ”Anak danyek nadyaʾ wanaʾ nong me ululam. An nong adya nadya ganya heklenel,” hyok.

MARKUS 9:7

Wera debaʾ yalamokaʾ ara siklewosuukanya, ana lomok anyeb, yuba hnon sal yabokaʾ kebekaʾ ara, ”Nadyaʾ wanaʾ nong ulumna me nera ban. Alak pe kelelulum!” hyok.

LUKAS 10:22

”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

LUKAS 3:22

Dara, Imik Neyung Geisinya ara yalma wining uruma anasoʾ anyek, lak-lak aboka, Yesus eilib ak bul yinggyuk. Anya, imik ab yuba hnon kebekaʾ ara, ”Anda nadya hyak wanaʾ nong ulunggen me, an nong adya nadya ganya heklenel,” hyok.

YOHANES 14:11

Nara Neyung bedya ganya ak ulumnakanya, Neyung bera nadyaʾ ganya ak ulunel wenyalamnaʾ ara, dib senewolulum. Orokaʾ anababya, nadya welemna wa nenyek sunuwoka dib senewolulum,” hyok.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

YOHANES 3:35

Imik Neyung adya alja me nek nauba wanaʾ uboka, yokaʾ-yokaʾ nidyaʾ ara, al adya salawolulaʾ aboka elemok.

YOHANES 5:20

Anasa, neyung bedya alja me nek wanaʾ ulumlakanya, alja unulamlaʾ nidyaʾ ara, alja me nek amalamla. Wera onoʾ eimik era, neyung bedya hyak senenggom ununaʾ enyek elegoka aawalya dara, ugunda eiyiboka hyak loka dabnesil.

YOHANES 5:26

Neyung bera nim embengaʾ unaʾ damok gaknya ulumla sok, onoʾ al adya alja me nek nim embengaʾ unaʾ gaknya dangiyimok.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

YOHANES 6:39

Na imik heikek ab bokol yeilinyoknya bedya dara, nak seinilenela ara, alja nak eleklenelnya nera, ben hnonok sirik anababya weininggoka denganaʾ ara mem. Anasa, alda nidyaʾ gobdo sidyaʾ daknamla sum era, embengaʾ bukiyiwosulul, senelenel.

ROMA 15:6

Anedya ugunda nunjaʾ Wenelesilnya, Yesus Kristus alja Imik Neyung, alja neyung bek hnon, hnonok ganya boboka, neikiwok leboka alja si imik nenelelulum, senelamna.

2 KORINTUS 1:3

Nunjaʾ Wenelesilnya Yesus Kristus alja neyung Imik Neyung ak sobaʾ giblenob. Imik Neyung ara alda hyak angoo yadyek senewoka unulusilnya bek ulumlakanya, onoʾ alda nim ek heknaʾ ganya lanalamlaʾ damoknya Imik Neyung ek ulumla.

2 KORINTUS 11:31

Imik Neyung, nunjaʾ Wenelesilnya Yesus aljaʾ neyung bera, sobaʾ giblemnemaknya bera, nara sondaʾ lenggulumnaʾ anara, ella ulunel.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

2 YOHANES 1:3

Anya wera, Imik Neyung adya hnon, alaʾ me Yesus Kristus adya hnon, nuk perob eleksinaʾ ab, angoo yadyek senewoka arasinaʾ ab, perob ok unaʾ ab, or eleklesururuk e. Ban nidyaʾ ara, nunda dib yuba lomok uboka ganya wanaʾ ubdangoka dobnemab.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.