2 KORINTUS 9:6 - PERJANJIAN BARU NALCA YUBA

⁶ Ugunda banyek pe beknelum! Nimi wak yinaʾ mekaʾ melelanya bera, nong anaba mekaʾ dolomla. Alda yinaʾ nauba melelanya bera, alba nonga nauba dolomla.

2 KORINTUS 9:6 Խաչաձեւ Հղումներ

LUKAS 6:38

Anja men yok nim ek arawamen dara, wera Imik Neyung ara ambabya lunuwoka eleganenggel. Wera anja yok nim ek unuro eleganemna senewoka pe sunuwoka keebdaboka eleklelamnya nera, ambabya Imik Neyung adya anak seleb al unuro eleganemna senewoka beillililanya nenyek, ambabya eleganenggel,” hyok.

1 KORINTUS 1:12

Nadya wenyhenya nera damok ara, ugun gangganek ara hnon ara lelelumja, ”Nara Paulus bek diriga balamna,” hnon nang edya dara, ”Nara Apolos bek diriga balamna,” onoʾ yok hnon nang edya dara, ”Nara Kristus ak diriga balamna,” alalumaʾ anasa lebsin.

1 KORINTUS 15:20

Bok, Kristus ara somoknaʾ ak ab seleb bukiyimokaʾ ara, hyak dib unumok. Anan nong adya, wera seleb somogek nim era, embengaʾ suboka buknemakaʾ damok ara anadya dangamok.

1 KORINTUS 7:29

Hemyab o, nadya lelenanya nera, damok ara banasa lelemna. Nu ulumab salek enera wera mekaʾ me ubla. Anasa wenyek danyek moruwoka, gela yak nang era, gela dobnenggomnya beneso ak ulumnamso.

2 KORINTUS 9:10

Imik Neyung adya yinaʾ melelanya bemba yinaʾ beiyiwoka, onoʾ den damba gwaneng eleklesilnya bedya, ugunsamba yinaʾ nauba nenewoka, ugunja pe unulumnulumnya nenyek nauba moullilimnesil.

2 KORINTUS 9:5

Wera nenyek deisilyek aboka, ugunja arawanamab hulumnya nenyek, men orowek memewoka beillilelulumaʾ aboka, Titus beb alkabo nang eb dara, bululum hisin. Wera anadya ugunja bolowanalumaʾ ara, dukaʾ lolowoka ubek ara, orok bok, alda sikja ganya doboka arawekaʾ danamla.

GALATIA 3:17

Nadya wen ugunuk an wenyalasinaʾ ara banyek, Imik Neyung adya unubdanamab amokaʾ ara hyak youmaʾ nonga wenyek lemok. Alda unuwanalum an yub ek dara, eimik gibnaʾ ara empat ratus tiga puluh gibnaʾ lemok bok elegousuk. Anasa, ban eimik unuwanalum an yub edya dara, men Imik Neyung adya perobaʾ eleganesin amokaʾ ak ara, orok aboka lubnenggunumso.

GALATIA 5:16

Nadya an wenyhenya nera, ugunja unaʾ era Imik Neyung Geisinya adya bo ulusilyaʾ dara, ugunja malya unaʾ hwam ok unulusinya pika dilira dobnenggulumnulum.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

KOLOSE 2:4

Ban wenyaboka lebsinya nera, dib nonggom yub bok, alda ugunuk pero-pero makaʾ lelewoka, sondaʾ bok, bobleregeisijek aboka lebna.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.