2 KORINTUS 9:14 - PERJANJIAN BARU NALCA YUBA

¹⁴ Dara Imik Neyung adya ugunuk perobaʾ unulusilnya nenesa leboka, sikda ugunuk wanaʾ uboka Imik Neyung ak mololomnasak.

2 KORINTUS 9:14 Խաչաձեւ Հղումներ

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

PILIPI 1:8

Nara Yesus Kristus lomok uboka, wanaʾ uboka, ugunuk hyak eibsisinya senewoka ulusinya nera, Imik Neyung anaba alda ella ulunel.

2 KORINTUS 8:1

Hemyabo nim o, Imik Neyung adya Makedonia moka yuba dolomak nim ek wanaʾ uboka pe arawoka unulusukaʾ anyek, hnon ugunda ella danalum senelesab.

PILIPI 2:26

Alda ugunuk nidyaʾ berra eibsisinya ganya nauba bolomla, onoʾ alda hnon neiknaʾ salawok an yuba kelumaʾ anasa, igin ubsilyek aboka lok ganya bolomla.

2 KORINTUS 1:11

Ugunja nunsamba aboka, Imik Neyung ak mololesulum adya keboka, alda nuk blebnesilaʾ anyaʾ senelemab. Dara, nimi nauba Imik Neyung ak mololomak molonaʾ adya aralesak dara, nuk perobaʾ nauba eleklesil dara, nimi nauba Imik Neyung nunja molonaʾ keboka unulamla aboka, sikda Imik Neyung ak giblemnemak.

ROMA 1:11

Hnonda kemel yanggubsisa salek era nauba mandewok anasa, ugunuk yanakanya, Imik Neyung amba wa wen migib nenenaʾ amba perob ganya eleknaʾ enyek, hnon eleganasin senelamna.

LUKAS 16:9

Dara onoʾ Yesus adya hnon lebokaʾ ara, ”Ugunda pe keblulum! Sokok an bonaʾ era malya dalya sum era, ugunda pe embengaʾ ulumak heikek doro beibsululaʾ aboka, wera nadya hemyabo nauba donulul senewoka, sokok bonaʾ enyek doboka bololulum,” hyok.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

2 KORINTUS 9:15

Imik Neyung adya nuk hyak seinildaknaʾ okna eleknaʾ emba, nunda alak pe giblemnemab!