2 KORINTUS 8:6 - PERJANJIAN BARU NALCA YUBA

⁶ Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

2 KORINTUS 8:6 Խաչաձեւ Հղումներ

2 KORINTUS 12:18

Nara Titus benyek ugunuk an aralesululaʾ aboka bokol yeilimsa, dara onoʾ yok yuba donya be hnon alab neikaʾ wel binilum aboka bokosisa. Titus bera, ugunuk ab bonaʾ denaʾ hnon molowoka doboka desuk de? Bok nab Titus beb dara, neik ganya boboka, neik ununaʾ edya neikaʾ welenamaʾ ak, eiyilum do?

2 KORINTUS 8:19

Wera onoʾ hnonda, beneba yuba dolomak nim edya weboka, ugunda elegolum arasinaʾ neikaʾ bo binilum aboka sekiyiwek. Wera ugunja bololum bonaʾ nimi pik elekdo yibinemab dara, Imik Neyung si imik nenewoka, nunja ganya doboka araweisinob senelemabaʾ ara laga dolulaʾ aboka unuwanamab.

2 KORINTUS 8:4

Sikja nuk, munaʾ Imik Neyung mabo Yudea sokok ulumak nim ek, numba hnon arawanamab aboka dukaʾ lolom-lolom aboka moloweisik.

1 PETRUS 4:10

Imik Neyung adya yok-yok eleknaʾ eleklesilaʾ ara, ugumbabya yok-yok sunuwoka webnesomaʾ sunuwoka dolum. Imik Neyung adya eleklesilaʾ doboka welemak nimi beknaʾ ululumaʾ anasa, ugunja webnesomaʾ geknelemla wa nera, yok nim emba webnun senen ganya boboka pe welelulum.

PILIPI 4:18

Wera ugunja beibnulumaʾ ara, nak okna ubnyoknya nera nidyaʾ gigiwoka seleb dobsa, hyak nauba so sounuwoka dobsa! Ugunja yok-yok bonaʾ nak arawonulumaʾ Epafroditus be bo yanyokaʾ ara nidyaʾ seleb dobsa. Anadya wera men dara, anyek dobsinya senewoka seinisenya nera nidyaʾ gigiwoka dobsaʾ ulunel. Ugunja nasamba arawoka beibnulumaʾ nidyaʾ ara, Imik Neyung ak perob songa lelemlaʾ giboka beil balamak enyek, Imik Neyung adya perob senewoka dolomla bonaʾ enesoʾ ak beibnulum.

2 KORINTUS 9:5

Wera nenyek deisilyek aboka, ugunja arawanamab hulumnya nenyek, men orowek memewoka beillilelulumaʾ aboka, Titus beb alkabo nang eb dara, bululum hisin. Wera anadya ugunja bolowanalumaʾ ara, dukaʾ lolowoka ubek ara, orok bok, alda sikja ganya doboka arawekaʾ danamla.

RASUL 24:17

”Nara gibnaʾ wen Yerusalem heikek unggulumsa ara, onoʾ wenyok ara, nadya mok soko nim emba sikenek arasik bonaʾ enyek, boboka onoʾ Imik Neyung ak gibgiga yokaʾ-yokaʾ beil bunun aboka anasa Yerusalem heikek yeilimsa.

ROMA 15:25

Bok nara wenera Yerusalem heik sik bonaʾ garan munaʾ Imik Neyung mab amba bonaʾ arawoka bo balamna.

2 KORINTUS 2:13

Titus benyek eibnenggubsaʾ anasa, nadya ganya seininaʾ goʾ pe kaboka ubnenggubsa. Dara anyagan ulumek nim ek, nara binimna aboka lebgogowasa dara, Makedonia moka bisa.

2 KORINTUS 8:10

Nenyek youmaʾ gibnaʾ enyek, ugunda men arawanamab aboka seinibgogolumukanya, onoʾ arab einilum nim ek, ugunuk perobaʾ dosululaʾ aboka, anaso unuwolulumaʾ aboka lebnesin.

2 KORINTUS 8:23

Titus bek dara, nadyaʾ hembe yokaʾ nong uboka, ugun arasin wa neikaʾ welenamnya bek ulumla. Alda yok penya nang alab neikaʾ yalamak nang dara, anyagan Imik Neyung yuba donaʾ nim edya wa nen welemnelum aboka bokosak nang. Onoʾ sikda Kristus si imik nenelerak nang ulurak.