2 KORINTUS 8:23 - PERJANJIAN BARU NALCA YUBA

²³ Titus bek dara, nadyaʾ hembe yokaʾ nong uboka, ugun arasin wa neikaʾ welenamnya bek ulumla. Alda yok penya nang alab neikaʾ yalamak nang dara, anyagan Imik Neyung yuba donaʾ nim edya wa nen welemnelum aboka bokosak nang. Onoʾ sikda Kristus si imik nenelerak nang ulurak.

2 KORINTUS 8:23 Խաչաձեւ Հղումներ

PILIPI 2:25

Nunja hem be Epafroditus bera nak anyagan aralenululaʾ aboka bokol yeililumnya bera, nadya saawoka ugunuk bokol yanamna senelamna. Albabya nadya welemna wa nek neikaʾ arawoka, duboka yeiriwoka welenel.

PILEMON 1:17

Anasa wera nenesa leboka, nunda neik yuba don nang ulumabaʾ anasa, anja nak perobaʾ leboka dolonelem sok, onoʾ Onesimus beneba neik so perobaʾ leboka dobnelamaʾ anasa lebna.

2 KORINTUS 8:6

Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

3 YOHANES 1:8

Anasa wera, nun yuba donaʾ nim ulumabaʾ ara, nunja hemyabo ban anaso ulumak nim ek arawoka ulumnemab. Anadya wera, onoʾ sikeneb neikaʾ dib yub amba angawoka welemnamab.

PILEMON 1:24

Hnonda nadyaʾ hemyabo ban nang danadya, Markus beb, Aristarkus beb, Demas beb Lukas beb dadya ugunuk perob aboka gibsak.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

KOLOSE 1:7

Anasa, ban nidyaʾ ara, nunja neikaʾ welemabakanya, wanaʾ ulumabnya Epafras bek ab ella dangalum. Benera ugunja dara, Kristus wa wenya hyak bojamnya bek ulumla.

PILIPI 4:3

Nadya hem be an bojam ululamnya bek, ban penya lebna gelewa danyek pe aralesilomaʾ aboka molowagen. Klemens beb nimi yok nanga nab neikaʾ nadya welemna wa yeiriwoka welemouba, onoʾ sik penya gelewa dara, Imik Neyung adyaʾ perob lero yanggan yuba neikaʾ lero yabalemouba gelewa ek anara ulurak. Sikja si nidyaʾ ara Imik Neyung adyaʾ nim embengaʾ un bukuk sam ulusil. Anasa, aralesilom.

2 KORINTUS 12:18

Nara Titus benyek ugunuk an aralesululaʾ aboka bokol yeilimsa, dara onoʾ yok yuba donya be hnon alab neikaʾ wel binilum aboka bokosisa. Titus bera, ugunuk ab bonaʾ denaʾ hnon molowoka doboka desuk de? Bok nab Titus beb dara, neik ganya boboka, neik ununaʾ edya neikaʾ welenamaʾ ak, eiyilum do?

2 KORINTUS 8:19

Wera onoʾ hnonda, beneba yuba dolomak nim edya weboka, ugunda elegolum arasinaʾ neikaʾ bo binilum aboka sekiyiwek. Wera ugunja bololum bonaʾ nimi pik elekdo yibinemab dara, Imik Neyung si imik nenewoka, nunja ganya doboka araweisinob senelemabaʾ ara laga dolulaʾ aboka unuwanamab.

2 KORINTUS 8:16

Nara ugunuk senelesin sok, Imik Neyung adya Titus benyek ganya gouluwoka ugunuk aran ganya elegokaʾ anasa, Imik Neyung ak giblenob!

2 KORINTUS 7:6

Bok, Imik Neyung adya alda nimi malya dan nim ek ganya hekellilisilnya bedya, nuk dara, Titus benyek anyagan bo yokaʾ nong adya, nunja ganya hekom husuk.

LUKAS 5:10

Wera onoʾ Simon bedya alja hemyabo neikek welemak nimi Zebedeus bedya mabo Yakobus beb Yohanes beb dara, neikso loka dasuk. Danyek Yesus adya Simon bek, ”Anda lok ganya bonggom, mem. Al wene salek ebaʾ ara moruwoka, anda hadyaʾ dololam sok, nimi dol yabalemnelam,” hyok.

LUKAS 5:7

Anasa wera, sikda sik kabo nang ek ugunda nuk aral yousululum aboka, soruk adya langam aboka youbdangamek. Wera sikda yok sik kabo nang era oka yeilimek dara, hadyaʾ era doboka limek bok, hadyaʾ mandebnaʾ nauba adya penya mek ekla bunaʾ dara, mek lomok sonom henomaʾ aboka ulurek.

YOHANES 13:16

Wa welelanya bera, eili be dibaʾ ak imik so danggunumso. Bokol bilimoknya bera, alak bokol bilimoknya bek imik so danggunumso, henaʾ ara, ugunuk dib lebsin.

1 KORINTUS 11:7

Nengmab ak dara, sikda Imik Neyung adya alja nong eb, alja senenggomaʾ ab, heng kemeldanaʾ dibaʾ ulumakaʾ anasa, huka goluldanaʾ ara mem. Bok gelewa ak dara, nengmab ak, imik nenen damba ulumak.

2 KORINTUS 8:18

Wera Titus be yanggalaʾ ak ara, Imik Neyung yuba donaʾ nimi nidyaʾ adya, alda perob lero yanggan yuba lero yabanaʾ ak ara pe welemla senelemaknya ben hnon, alab neikaʾ bokol yeilisab.

2 KORINTUS 8:22

Titus beb yoknya beb yanggerijaʾ ak ara, onoʾ nunjaʾ hembe yoknya be hnon makoka neikaʾ bokol yasab. Nunda alak, li gong wa elegemouba dara, aldib yeng ganya boboka pe welemlaʾ eillilimab. Alja dara, ugunuk ara pelemakaʾ eillilisilaʾ adya, wenyek dara, nauba so yeng ganya bolosil.

2 TIMOTIUS 4:10

Demas bera sokok anyek wanaʾ uboka, nak ara seleb lo binyok. Alda seleb Tesalonika heikek byuk. Kreskes bera alda seleb Galatia moka byuk. Dara, Titus beneba Dalmatia heikek byuk.

TITUS 1:4

Titus o, anab nab dara, neik Kristus ek dib senenumaʾ anasa, wera anda nadya me yokaʾ nong ululam. Nadya dara, anak nunja bleblesilnya Yesus Kristus adya hnon, nunjaʾ neyung Imik Neyung bedya hnon, wanaʾ uboka eleksinaʾ ab, ganya angawoka unaʾ ab, elegogulul e.