2 KORINTUS 7:11 - PERJANJIAN BARU NALCA YUBA

¹¹ Wera ban neik ganya era, al Imik Neyung seinilamla sok, ugunja angoo senewoka soloma dasuknya nedya unusukaʾ anyek, ugunda pe kendenelum! Wera an ganya enyek bolumaʾ adya, ganya goulunaʾ hnon lumaʾ ganya enyek, perobaʾ nenenaʾ hnon, malya unaʾ lek senenaʾ hnon, lok ganya hnon, nunda eibsibya senen ganya hnon, yeirinaʾ ganya hnon, meknelemak nim ek igina nenesinaʾ ganya hnon, ban bololum ganya adya, ugunuk nidyaʾ laga dosuk. Dara unululumaʾ nidyaʾ adya pe memelum beknaʾ ulumla.

2 KORINTUS 7:11 Խաչաձեւ Հղումներ

ROMA 14:18

Wera anasa heknedya ban nenyek sunuwoka Kristus ak welemla dara, Imik Neyung bek ganya hekeldilimlakanya, nim adya dara alak wa bobsuukanya welesilnya benyaʾ senelemak.

2 TIMOTIUS 2:15

Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.

2 KORINTUS 7:7

Dara, nuk ganya heksukaʾ ara, Titus be anyagan yokaʾ adya ok gom, alda ugunja alak hek elegolumaʾ adya numba ganya heksuk. Alja dara, ugunja nab hyak eibdeisibya senelelumaʾ anyek, alda nak neknyok. Anya hnonda ugunja angoo senelelumaʾ ara, onoʾ nak mala dolonulumaʾ anasa, hyak nauba so eiya dabnyok.

WAHYU 3:19

”Nadya okoka yokaʾ nauba wanaʾ ulusin nanga nong enyek, ooma leboka nauba wenelesin. Anasa, anda yeiriwoka migibaʾ anyek anja malya unaʾ eibkweboka loboka ganya dib dangawalom.

YUDAS 1:23

Yok nim ek, uk ab ugunja salawoka gliboka perob pik dil yalalulum. Onoʾ yok nim ek ara, sikenek angoo yadyek senen ganya bobmunjok, onoʾ lok ganya boboka, sikja ongon akleng eneba malya unaʾ seininaʾ hwam adya sembejaʾ nenemekaʾ ak lek senemunjok, blebsululum.

1 PETRUS 2:2

Wenelesilnya bera hyak perobnya ulumlaʾ ara, ugumba seleb ella ululumaʾ anasa, ugunda wenyok beibna me neneso uboka, perob geisa moum soub mek enyek desinya senen ganya bololulum. Ban anadya ugunja ganya nebnesilikanya, blebnesil.

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

EPESUS 5:11

Nimi gunaʾ lomok sam anam ulumak nim edya ulumak sok, perob gomaʾ dib gomnya salyaʾ neikso unura yabanaʾ ara mem. Alda ugunja dara, sikja meknewoka unulumaknya nenyek, nim eibnokaʾ aboka laga nenelelulum.

EPESUS 4:26

Ugunda yu ganya bobmun dara, yu ganya enedya, ugunuk malya unaʾ deisilyek anasa, yu ganya bomunaʾ meewanggom bok, henga wekel banaʾ ara mem.

2 KORINTUS 13:7

Ugunda meknewomunuk aboka, Imik Neyung adya aralesululaʾ aboka mololesab. Nuk dara, sununaʾ ak sokol lolomak senewanesisengaʾ anaba, alda ugunuk Imik Neyung adya unuwanok senelelanya nenyek, unuwanalum aboka mololesab. Nuk sokol longgulumak senewanokaʾ aboka ununggulumab.

2 KORINTUS 7:1

Nadya wanaʾ ulusin nim o! Ban nidyaʾ unuwanasin hyokaʾ ara nuk lebsuk. Anasemba nunda al Imik Neyung ak lok ganya boboka, nunda al Imik Neyung amba gobdo geisaʾ perobaʾ anyek ulunob. Nunjaʾ ganya nonga malya nenelesil malya unaʾ nidyaʾ ara, dibaʾ loboka geisa nenebdanamab.

2 KORINTUS 6:4

Yokaʾ-yokaʾ nidyaʾ ak anaba, nunda Imik Neyung adya perob wa wen nang beknaʾ dangalasululaʾ aboka laga amalasab. Ganya nauba siklenaʾ adya hnon, igina kwesinaʾ adya hnon, gak denaʾ unaʾ adya hnon, laga amalamab.

2 KORINTUS 2:6

Banaso unusuknya bek ara, ugunja alak igin elegelumaʾ ara, seleb nauba elekgogowoulum.

1 KORINTUS 12:25

Wera nong ara, doluwoka bokdeijek aboka, yana soruka nidyaʾ hiboka pe diri ubdanokaʾ aboka umok.

1 KORINTUS 5:2

Ban unululumjok, wera onoʾ ugunda dengdang aboka, imik nenebdangdo yabalalum. Ban unululumnya nera, dib nong ara, onoʾ angwei salyaʾ ulumla senewoka engelemnesomokanya, malya unulumak nim era, ugun gangganek ab doboka yaknasom.

ROMA 11:20

dara perob! Sikda an unu bologokaʾ ara, sikja ganya dib senenaʾ orok anasa unuwok. Anya ugunda jongaʾ ikoka mel-mel eiyiwosuk ara, ugunja ganya dib senewolum adya unuwok. Anasa ugunda ganya habmereng henggunulum, bok hyak lok ganya bolomnelum!

RASUL 17:16

Wera Paulus bera anam or Silas beb Timotius beb yalarija sok aboka, Atena heikek diri ulusuukanya, heik enyegan kemelemok dara, anyagan ara nimi bisaʾ molowoka hweldanaʾ ok uru balamek ak eiyimok dara, hyak ganya angoo senemok.

YOHANES 2:17

Dara, Yesus ak diriga ban nang era, yuba Imik Neyung bukuk momnya dobokaʾ ak seinimek. ”Anja e nek wanaʾ kwelemnaʾ amba nak uka lolok ganagananel,” amokaʾ ak seinimek.

MARKUS 3:5

Dara Yesus ara yu ganya boboka gokgoba nidyaʾ keeb ganagoka ubok bok, Parisi nanga nong anyek, hyak gasa ganya bolomekaʾ anasa, alda angoo senewoka ganya sugumok. Dara Yesus adya soruka somogomoknya bek lebokaʾ ara, ”Anja soruka nginigalom,” hyok. Wera bera, soruka nginigok dara, al wene salek enyek merewok.

2 KORINTUS 7:9

Dara, nara perob seneweisinaʾ nong ara, ugunja ganya angoo senewoulumaʾ amba ok gom, alda ugunja angoo senewoulum ganya enedya, ugunja ganya dangalumaʾ anasa, eiya dablenel. Ugunda Imik Neyung adya anaso unu bobnok senelamla solom ganya boblumaʾ adya, nunja unusubnya nera ugunuk malya nenewanggusuba.

ROMA 3:5

Bok ban nunja meknenaʾ edya Imik Neyung adya peldisinaʾ enyek an e wenyaboka laga gebnamso dara, nunda hek henesibya do? Nara nim ak adya an wenyhenemna, Imik Neyung ara alja wema debnaʾ anyek laga danamso dara, alda pe sunuwoka ununggulusil wenyhenesibya de?

1 TESALONIKA 4:6

Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil.

1 TIMOTIUS 5:20

Bok aldib sikda malya ubija dara, yok nim eneba lok ganya bobnok aboka, nimi nauba longolomakaʾ hnoum ab omoma leboka wabnok.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.