2 KORINTUS 6:5 - PERJANJIAN BARU NALCA YUBA

⁵ Legebnaʾ debsinaʾ adya hnon, gasa ek beilisinaʾ adya hnon, nimi nauba irr aboka usinaʾ adya hnon, igin wa wenaʾ adya hnon, mabom bukom anaʾ adya hnon, denaʾ denggonggom ulsininaʾ adya hnon, laga amalamab.

2 KORINTUS 6:5 Խաչաձեւ Հղումներ

MATIUS 14:10

Wera nimi henga gouboka gasa beillisin ek sam biniboka Yohanes bedya huka garamek.

MATIUS 14:3

Nera men dara, Herodes bedya Yohanes bera henga gouboka gasa ek sam beiblulum aboka orugosuk. Herodes bedya Yohanes bek unumokaʾ damok ara, alja weis Pilipus dubnya bedya gel Herodias gemba leboka henga goumok.

MATIUS 9:15

Anasa Yesus adya sikenek, ”Ugunja dara, hekaʾ senelum do? Nimi ben hnon gela dosonya benyek, or anam ulusobok dara, nimi masa delemnemab aboka yeiliseng nim era solom ganya bobneseng de? Hyak unuwanggunuseng! Bok gela dobnelanya bera sik gangganek loboka bo binimla sum ok, wera sikda Imik Neyung amba gwanenga lobnemak.

RASUL 13:3

Wera sikda gwanenga denggonggom heng uboka molowoka ubgogomekaʾ seleb dara, Barnabas beb, Saulus beb sikenek soruka salawoka heng uboka lebsikaʾ seleb dara, sikenek Imik Neyung yuba lero yibiruruk aboka bokosik.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 14:23

Wera nim Imik Neyung yuba dib doboka, yuba sikba yok lebdangoka longolamna heik era, Imik Neyung yuba dam nanga doboka sekiyiwoka ubgiga yalarek. Dara, sikda gwanenga denaʾ loboka heng uboka, sekiyisirek nang ara sikja dib senemek Imik Neyung bek elegoka, ban nang enera anja wa welemnemak anasa, wenyaboka molowoka Imik Neyung yuba e dam nang sekillilisirek.

RASUL 17:5

Bok Yahudi nanga nong ak dara, hman ganya nauba bolomek. Dara, Yahudi nang edya dekna gasa ak salyaʾ maro ulumek nang ek mamagoka yoululum aboka e biniboka, denga bolowoka longowoka ulumeekanya, sik ulumek heikek sam nauba malya lel meneklemek. Paulus beb, Silas beb danasa, nimek amoro yibinob aboka, Yason alameknya bedya ek sam berra wamle biniboka, e deboka Paulus Silas ak elemek.

RASUL 20:31

Anasa wera ugunda keebmoubuka diri ulululum. Nara gibnaʾ winilya ulumsa ara, inimnek yubyek pik noruwoka heng mekaʾ nauba yabalenen bok, ugunja mok nang ek dek-deka sonaʾ loboka wenewoka nekeldibilloklosisa ara, beklelulum,” hyok.

RASUL 23:10

Wera hyak senenggomaʾ mala dibaʾ lanabdangoka oldal yibik dara, anyagan yin bonaʾ dubnya bedya dara, unuldeijekanya, Paulus bek giliwoka gal wabnaʾ geboka obijek aboka, yin bonaʾ nang hnon ak, Paulus be doboka bo bimunukanya, e lomok bo bululum aboka orugusuk.

RASUL 23:35

”Wera, or perob,” hyok. ”Anyek malya ulumla aboka yana kilinjak nang enyek, anyagan yeija dara, aldib malya ululam gom aboka heibuka ubnenggen,” hyok. Dara mok soko damnya bedya, ”Paulus bera or nadya ek an henga geregoka beiyilulum,” aboka orugosuk.

RASUL 24:27

Seleb gibnaʾ penya lebgogomok dara, Perkius Festus benyek, Feliks be lunuwoka soko dubnya dangamok. Bok, Feliks bek dara, Yahudi nang perob senelemaknya nera unuwonun senewoka, alda Paulus bek heng goubnaʾ lomok lolomok.

RASUL 26:10

Dara al nenyek, nadya Yerusalem heik ab unulamsa. Yahudi yuba wa gakaʾ dub nang ek ab migib soruk doboka, nimi munaʾ Imik Neyung mab ek henga gouboka gasa ek beillilisisa. Dara onoʾ, yuba dolomek nang ek or obnamab al yaben dara, nara moroma kwelemsa.

RASUL 26:29

Bok Paulus bedya lebokaʾ ara, ”Nara Imik Neyung ak heng uboka mololamnya dara, or wene salek gom, mandewanamso gom anaba, na ulumna sok ugumba danasom ara, alda wera henga gobenyek heng enyek hnonok unuwanggunumso bok, na ulumna sok danasom aboka mololamna,” hyok.

RASUL 28:30

Wera Paulus bera Roma heikek ara alja rupiah seʾ dekemok ek, gobdo gibnaʾ penya ulumokok ab dara, nimi nauba alak yalamek dara, nidyaʾ perob aboka doro dililisuk.

RASUL 5:18

Dara, yuba lenaʾ gak nang era, henga geregoka, nauba gasa henga gereksin ek sam beiyisik.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 4:11

Dara wenebabya, nunda mek oka, gwaneng oka kwelesil. Nunda denerob akleng ok ongolomab. Nuk nim adya malya nenewoka olosak. Nunja dibaʾ un e nera unggulumla.

1 KORINTUS 7:5

Anasa, gela nenya dobdangoka ulumunjok dara, malya ganya boboka, loboka yok-yok unaʾ ara mem. Seʾ amba dara, bokdangoka ulumnulum bok, nera men nenya ab gel ab unuwananam aboka, yuba sabdoumun dara, or unulumnulum. Bok, sobaʾ anaso unulmorulumun dara, bisaʾ dubnya Satan adya ugunuk galal yeisilyek anasa, seʾ ok bilimunaʾ ara youmun dara, gela nenya onoʾ neikaʾ ulumnulum.

2 KORINTUS 11:27

Nara wa nauba yeiriwoka welemsa dara, hmeng hwam ulunyok, hnon sum hogunga manggulumsa, hnon gwanenga meka bunya malamsa, hnonda gwanenga lol morulamsa, hnonda ongon akleng orok adya saragenaʾ kwelenyok.

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

PILIPI 1:13

Damok ara anadya wera, dub nang ek an pika wen nang eb, nimi yok nimi nidyaʾ ab dara, nak henga geregoka beibnyekaʾ ara, Kristus amba aldib urob senewoka ella ulumak.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

1 TIMOTIUS 4:10

Nimi nidyaʾ blebsinaʾ dubnya, Imik Neyung embengaʾ ululanya bek, dib nong ara, nu yuba dib senelemab nimi bleblesilnya bek eleganesin amokaʾ ara, dib eleganesil anyaʾ aboka, nunda duboka yeiriwoka welemab.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

2 TIMOTIUS 4:5

Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

IBRANI 11:36

Dara hnon nang era derewoka walasik, anya hnon yok nang era henga gouboka saragenaʾ ek sam beillilisik.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

IBRANI 13:23

Hnonda ella ubnelumaʾ ara nunjaʾ hem Timotius bera seleb bok dorogek. Anya wera al men yalyaʾ seleb dara, nara alablaboka neikaʾ ugunuk kemel yanesinim.

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”