2 KORINTUS 6:10 - PERJANJIAN BARU NALCA YUBA

¹⁰ Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

2 KORINTUS 6:10 Խաչաձեւ Հղումներ

YOHANES 16:22

Wen an lebnanya nera, ugunuk neik so danamla. Wen ganya engelelum bok, nara ugunuk onoʾ eibdeibya sum era, ei-ei ganya bolomnulum. Dara, ugunja ei-ei ganya ara yok nim edya ugunja ganya ek ab salyaʾ lolowoka dobnenggunusak,” hyok.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.

1 TIMOTIUS 4:8

Nong amba migiba nenendamba dara, or mek perob so dangalamla bok, yuba doboka un ganya migiba neneldamba dara, nauba perob nonga dangalamla. Nera seleb wen salek amba hnon, eimik yanamla salek amba hnon, perob dangalamla an yuba hnon orowek ulumla.

PILIPI 4:4

Ugunda Wenelesilnya beb seleb neikaʾ kwebdangoka ululumaʾ anasa leboka, ei-ei ganya sobaʾ bololulum. Onoʾ saawoka hnon wenyhenesin: Ugunda ei-ei ganya bololulum e.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

ROMA 11:12

Anasa sikja meknenaʾ enedya, mok soko ara dub gebeyiweekanya, sikja mek ok unaʾ era, yok mok soko nim emba dub danganaʾ ulumla, dara hyak nauba so ara sikenek pe munaʾ gobdo pewousuk.

1 PETRUS 4:13

Bok ugunda Kristus ab neikaʾ igina kwelesilaʾ anasa, pelesil senewoka eiya dabnesuso. Dara Imik Neyung adya Kristus imik nenemokaʾ laga danamla salek enyek, ugunja ganya hyak nauba eiya dabnesil.

2 KORINTUS 4:7

Bok ban geisa perobaʾ ara, nu soko adya uyisuk nimi nong lomok bolomab. Wera an unulumabnya nera, senenggom migib era nuk an unggulumla, alda Imik Neyung ak ulumlaʾ anyek laga dolulaʾ aboka ulumab.

2 KORINTUS 2:4

Nara ugunuk momnya weboka beibsisaʾ ara, hyak igin ganya boboka ganya soldowoka obdasakanya, heng mekaʾ gadyaʾ beibsisa. Ban nadya unuwasaʾ damok ara, ugunuk solom ganya boboka angwei senewoululumaʾ aboka gom, alda nara ugunuk hekaʾ huru wanaʾ ulusinaʾ anyek, ella ublulumaʾ aboka ubsa.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

ROMA 12:15

Eiya ganya bolomeija nang eb dara, neikaʾ eiya hlalalulum, bok engelemeija nang eb dara, neikaʾ engelelulum!

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

LUKAS 6:21

Ugunda wen gwaneng ok ulusil nim era, eimik era, mona buknesilaʾ anasa, pe ululum. Ugunda wen engelelum nim era, eimik era, oksewanalumaʾ anasa, wera pe ululum.

MATIUS 5:4

Igin ganya bolomak nim era, Imik Neyung adya sikenek ganya sangab eleganesil bok anasa, pe ulumak!

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

1 TESALONIKA 5:16

Ei-ei ganya bolmorulumnelum.

RASUL 3:6

Bok, Petrus bedya heimoknya bek, ”Rupiah yokaʾ-yokaʾ ara nak hnon unaʾ orok anasa, wera alda nak dan yokaʾ don hnonok ulumlaʾ anyek eleganenggen. Yesus Kristus Nazaretnya bedya si sibuka, anda sekoka yabalom,” wenyaboka hwemok.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

2 KORINTUS 4:15

Wera ban nidyaʾ unulusilaʾ ara, ugunuk perob dosululaʾ aboka ulusil. Anasa nimi nauba ara, Imik Neyung adya wanaʾ uboka eleksinaʾ eiyiwoka, wera sikja Imik Neyung ak perob aboka giblemnemaakanya, wera anadya Imik Neyung si ara imik beillilemnemak.

1 KORINTUS 1:5

Ugunda seleb Kristus lomok uboka, wera ugunuk dara, yokaʾ-yokaʾ nidyaʾ ara, dub danganaʾ ak ululum. Ugunda yok-yok yuba salalumaʾ hnon, ella dangalalumaʾ hnon adya, dub nim ululum.

ROMA 9:2

Ara nara hyak ganya lomok soloma dablenelekanya, sobaʾ ganya angoo senelamna.

ROMA 8:32

Alda, alja me yokaʾ ak wanaʾ ubok bok, alda nidyaʾ amba elegousukaʾ anasa, alda nuk yokaʾ-yokaʾ nidyaʾ ara ganya doboka eleganggunusil de?

RASUL 16:25

Wera inimnek dukdukanek enyek, Paulus beb Silas beb dara, Imik Neyung ak heng uboka molowoka, bera seboka giboka lelerek. Dara onoʾ yok anyagan henga geregoka beiyisik nang era sikenek kero ulumek.

MATIUS 5:12

Ugun orokaʾ wenyek, ununumnaʾ lelemek nang eneba unu nauba olosik. Anasa, ugunuk neik so waboka obnesak dara, Wenelesilnya bedya ugunsamba deknaʾ beillilesilaʾ ara nauba anasa, ei-ei ganya boboka glololulum,” hyok.

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.