2 KORINTUS 5:20 - PERJANJIAN BARU NALCA YUBA

²⁰ Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

2 KORINTUS 5:20 Խաչաձեւ Հղումներ

LUKAS 14:23

Dara onoʾ masa denaʾ damnya bedya, Anda nauba pik gwandanyaʾ ak gokgobok sam biniboka, nadya ek an nimi diblulaʾ aboka hyak anja yub edya dukaʾ lolowoka e yanasilim.

EPESUS 6:20

Wera Imik Neyung adya perob lero yanggan yub enesa lelelulaʾ aboka, bokol yanyokaʾ anasa welemna dara, alsamba yuba sanaʾanya dasa, wera anasa gasa ek henga gouboka beibnyek. Anasa, asaʾ ganya boboka, onoʾ pe lelenunaʾ aboka, ugunda nasamba mololenululum.

2 KORINTUS 5:11

Imik Neyung ak lok ulumak an damok era, nunda seleb ella ulumabaʾ anasa, yok nim ek ara dukaʾ lolom-lolom aboka lelemab. Imik Neyung ara nunjaʾ ganya lomok anaba hyak nidyaʾ olowoka ella ulusil, onoʾ ugunjaʾ anaba nunja ganya ek ara ella ubsinok senelamna.

YOHANES 20:21

Dara onoʾ, Yesus adya saaboka lebsukja, ”Maly, lok ganya bonggom. Neyung bedya nak sokok sam bokol yeilinyok sok, nadya ugunuk Imik Neyung yuba lero balalulum aboka boksin,” hyok.

2 KORINTUS 3:6

Imik Neyung adya nadya wenyok ugunub dibaʾ wenyaldan yuba wa pe webnelum aboka migibaʾ nuk elegosuk. Ban wenyok yub era, momnya dobokaʾ ak unggululabok, alda ganya ak ulumla. Dara momnya dorob yub era somogollilisil bok, ganya ak yub era embengaʾ eleklesil.

LUKAS 10:16

Anya Yesus ara alja yuba doro diriga ban nang ek, ”Nim ugunja yuba kelesak nim era, sikda nadya yub ek kelenyak. Alda ugunuk lek alasak nim era, sikda nak lek alanyak. Anya wera, nak lek alanyak nim era, sikda nadyaʾ neyung be na bokol yeilinyoknya bek, lek alamak,” hyok.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

2 KORINTUS 12:10

Anasa nak dara, hmenga dangalanel dara, perob senelamna. Nara hmeng ubnen salek enyek, onoʾ migib ulumnaʾ anasa, Kristus amba leboka hmeng ulumna gom, igin kwelenel gom, okna ulunel gom, ol neblenyak gom, lebelmoublenel gom dara, pelenel senewoka eiya dablenel.

KOLOSE 1:20

Anya Imik Neyung adya, alda yokaʾ-yokaʾ ab, al nong ab, neikaʾ hibnunaʾ aboka dara, or sokok an ulumlaʾ gom, imik heik ulumlaʾ gom, alda yokaʾ-yokaʾ neikaʾ ara hiyiwousununaʾ aboka, Kristus obek gal eneng pik seleb neikek hiyiwousuk.