2 KORINTUS 5:17 - PERJANJIAN BARU NALCA YUBA

¹⁷ Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

2 KORINTUS 5:17 Խաչաձեւ Հղումներ

YOHANES 3:3

Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

GALATIA 6:15

Nimi bolaʾ garanaʾ gom, orok gom ara, hnon dib nong unggulumla. Alda nimi wenyek nong unaʾ dolomakaʾ ak, hnonok dib nong ulumla.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

YOHANES 15:5

Nara gal nong ulumna. Ugunda, gal soruk ululum. Heknedya nak ulumnenelekanya, nara alak ulumnamna dara, alda doka nauba moulumnamla. Bok, na orok dara, ugunda yokaʾ-yokaʾ pe unuwanggunusom.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

ROMA 7:6

Bok wenera nuk ganagosuknya bemba, nunda alsamba seleb somogokaʾ anasa, nunda unuwanalum an yub ak seleb blebsuk. Wera anasa, nunda wenera wenyoknya nera Geisinya bek sunuwoka welemabakanya, youmaʾanya oruknaʾ yuba momnya domoknya nek sunuwoka wenggulumab.

2 KORINTUS 5:16

Ban nenesa leboka, nunda nim ek ella ubnesin aboka, nimi ganya seinilemak sok sununggulumab. Aldib men dara, Kristus amba nimi ganya seininaʾ ak pik uboka sunulumouba bok, wenyek dara, alak anaso sunuwoka seininggulumab.

YOHANES 3:5

Dara onoʾ Yesus adya, ”Nara hyak dib lebgen, nimi be hnon alda mek adya hnon, Geisinya adya hnon, beilinaʾ orok dara, alda Imik Neyung bedya wenesin heikek weknenggunumla.

EPESUS 2:15

Yahudi nim edyaʾ unuwanalum an yub eb alja anaso unulumnulum yuba nidyaʾ ara, Kristus alja nong elegokaʾ adya lubok. Dara, alda Yahudi nim eb Yahudi gom nim eb danyek, al lomok hnonok wenyok nimi nonga neniyiwoka ganya namenaʾ gebsuk.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

YOHANES 15:2

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

MATIUS 12:33

”Perob gal doka moubnamla aboka dara, gal nong ara mesaʾ pe bleblamla. Gal nong anyek pe mesaʾ denaʾ orok dara, gal dok anaba malya ura moulumla. Gal nonga pe mesaʾ ulumla gom, orok gom ara, gal dok adya ella dangalamak.

MATIUS 24:35

Anya, im ab soko ab dara, dengaro lobnalabok, nadya yub ek dara, dengaro lobnenggunumla,” hyok.

1 KORINTUS 13:11

Nara youmaʾ anam mekmab ulumsa dara, nara mekmabo salamak yub ek salamsa, mekmabo seinilimak ganya ek seiniwoka, mek mabo senelemak sok, naba senelamsa. Bok nera seleb nauba dasa dara, mekmab anaso seiniwoka unulamsaʾ ara, seleb lobonggamsa.

2 KORINTUS 5:19

Wera, Imik Neyung ara Kristus pik uboka soko nim ara sikja meknenaʾ era eib loboka, al nong ab, sikeneb neikaʾ hiyiwousuk. Dara nuk ara, ban Imik Neyung adya neikaʾ hillisil yub enyek, lero yabalalulum aboka elegousuk.

2 KORINTUS 12:2

Nimi yuba donya ben hnon, Kristus adya imik heikek hyak imik sam do welewok salek era, wera gibnaʾ meija dubukaʾ badya lemok danyekaʾ ak, ella ulumna. Alja nong gekman dobok gom, or lendara ak gom ara, dibaʾ orokaʾ ara Imik Neyung ok ella ulumla. Do welewoknya bera imik heikek denewaʾ winilyaʾ ak welewok.

PILIPI 4:21

Nadyaʾ ban gibsinaʾ anyek, munaʾ Imik Neyung mabo nidyaʾ ak, Yesus Kristus ab neikaʾ kwebdangoka ulumak nim ek neyung bera unu gibisil aboka nekdo yibinelum. Hnon ugun kabo nimi nab neikaʾ ulumab nim edya ugunuk gibsakaʾ anasa sikjaʾ gibnaʾ keboka dobnelum.

ROMA 16:7

Na anam yuba dobnenggom enyek, Kristus lomok yub lenaʾ gak nang gangganek ara si sinaʾ nang uluraakanya, nadyaʾ hemyabo neik mok soko nang, nablaboka neika henga gouboka doronggosikaʾ Andronikus beb, Yunias beb, siksamba hnon gibsin.

ROMA 16:11

Nadyaʾ hembe, neik mok ebnya, Herodion bek perob aboka gibna. Sik Narkisus bedya ek dangoka, Wenelesilnya lomok ulumak nim ek, perob aboka gibsin.

ROMA 16:3

Nadya perob aboka, nadyaʾ hemyab Yesus Kristus pik neikaʾ welemab nim, Priskila, Akwila ak, an sikenek gibsin yub enyek, unu wenyaboka gibisil henelum.

ROMA 16:9

Kristus wa wenya nunjaʾ hem be, Urbanus bek hnon gibna, nadyaʾ wanaʾ ulunanya, Stakhis bek hnon perob aboka gibna.

ROMA 16:10

Yokaʾ-yokaʾ ak ab dara, Kristus lomok hyak siklebdaboka ululanya, Apeles bek hnon gibna. Sik Aristobulus bedya ek nim dangoka ulumak nim ek perob aboka gibsin.

LUKAS 5:38

Wenyokaʾ perobaʾ anyek gwebseng anggur mek era, wenyek akleng ek libneseng.