2 KORINTUS 5:13 - PERJANJIAN BARU NALCA YUBA

¹³ Dara, nunda serema salasinaʾ anaso ulumak senewanesiseng bok, Imik Neyung amba leboka unulumab. Onoʾ nuk pe seinilimak seneweisisengaʾ anaba, anara ugunsamba pesin danasa unulumab.

2 KORINTUS 5:13 Խաչաձեւ Հղումներ

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 12:6

Nara yokaʾ-yokaʾ amba nonggo henesinya dara, dib yub amba ok lebnesinyaʾ anasa, dongdang anaʾ anya wenyhenggununeseng. Nadya unulamnaʾ ak eillilimakaʾ hnon, nadya yuba salamnaʾ kelemakaʾ hnon, banyek ok sunuwoka nak anaso unulamla senewaneseng. Bok, alda dibnya nek loboka nauba so unulamla seneweinijek aboka, nara yok yuba hnon sabnunaʾ unadyok, siklewoka ulumna.

2 KORINTUS 11:1

Nara hnon dongdang henemna bok, or keboka dogom hululum. Aldib, nadya yuba seleb dogom aboka kel lololum.

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

2 KORINTUS 7:12

Anasa, nara ugunuk momnya donaʾ beibsa bok, ban malya unulumoknya nenesa beibnenggubsa, onoʾ ban malya unaʾ enedya igina kweboka gweklemek nim enesa beibnenggubsa. Nara momnya doboka beibsisaʾ ara, ugunja nuk wanaʾ uboka aran ganya ugun dam nang ek laga dosululaʾ aboka beibsisa.

MARKUS 3:21

Wera nimi hnonja, ”Alda goloknaʾ gologamla,” alamek yub enyek, alab neikek ulumek nim edya kebek dara, Yesus ak ganagoka bo yanobaʾ aboka bilimek.